უნივერსიტეტების სია, სადაც სტუდენტები რუსული კანონის საწინააღმდეგოდ გაიფიცნენ
![](http://rachel.on.ge/2024/05/12/IMG_0231.jpg)
ფოტო: მარიამ მერლანი/ On.ge
მოკლედ: 12 მაისის საღამოს მონაცემებით, რუსული კანონის საწინააღმდეგოდ, საქართველოს 11 უნივერსიტეტის სტუდენტები არიან გაფიცულები.
ესენია:
- თბილისის სახელმწიფო უნივერსიტეტის სტუდენტები;
- ილიას სახელმწიფო უნივერსიტეტის სტუდენტები;
- GIPA-ს სტუდენტები;
- საქართველოს უნივერსიტეტის სტუდენტები;
- ალტე უნივერსიტეტის სტუდენტები;
- თბილისის სამხატვრო აკადემიის სტუდენტები;
- კავკასიის უნივერსიტეტის სტუდენტები;
- ბათუმის შოთა რუსთაველის უნივერსიტეტის სტუდენტები;
- ბიზნესისა და ტექნოლოგიების უნივერსიტეტის სტუდენტები;
- თბილისის სახელმწიფო სამედიცინო უნივერსიტეტის სტუდენტები;
- საქართველოს ეროვნული უნივერსიტეტის სტუდენტები.
ინფორმაციას ავრცელებს სტუდენტები ევროპული მომავლისთვის. ისინი აცხადებენ, რომ "გაფიცვის პროცესი ყოველწამიერად უფრო ძლიერი ხდება."
ისინი გაფიცვისკენ მოუწოდებენ ყველა უნივერსიტეტის ლექტორებსაც და სთხოვენ, საჯაროდ განაცხადონ გაფიცვის თაობაზე. "დადექით ჩვენი სტუდენტების მხარეს, ერთად დავიცვათ ჩვენი ევროპული მომავალი", — მიმართავენ სტუდენტები ლექტორებს.
დეტალები: გუშინ, 11 მაისს, თბილისის სახელმწიფო უნივერსიტეტის სტუდენტების ნაწილმა უარი განაცხადა ლექციებზე დასწრებაზე მანამ, ვიდრე საქართველოს ხელისუფლება რუსულ კანონს უკან არ გაიწვევს.
- "მივიღეთ გადაწყვეტილება, რომ ორშაბათიდან უარი ვთქვათ აუდიტორიებში შესვლაზე. დილის 9 საათიდან ვიდგებით რუსთაველის გამზირზე", — განაცხადეს სტუდენტებმა.
სტუდენტებს სოლიდარობა გამოუცხადა თსუ-ს ჰუმანიტარული ფაკულტეტის პროფესორმა სოფო შამანიდიც, რომელმაც დაწერა, რომ მისი ვალია იდგეს იქ, სადაც თავისი სტუდენტები დგანან და მათთან ერთად იბრძოლოს საქართველოს ევროპული მომავლისთვის.
- "ორშაბათიდან მეც დავტოვებ აუდიტორიას და ოფიციალურად მოგმართავთ [თსუ-ს] გაფიცვის შესახებ, ეს ჩემი კონსტიტუციური უფლებაა, იმედია სხვა პროფესორებიც ამყვებიან".
გაიგე მეტი: ორშაბათიდან მეც დავტოვებ აუდიტორიას, ჩემი ვალია ვიდგე იქ, სადაც ჩემი სტუდენტები დგანან — თსუ-ს პროფესორი
გუშინვე, თსუ-ს სტუდენტებს სოლიდარობა კავკასიის უნივერსიტეტის სტუდენტებმაც გამოუცხადეს:
- "კავკასიის უნივერსიტეტის სტუდენტები მხარდაჭერას ვუცხადებთ თსუ-ს სტუდენტებს, რადგან ჩვენი გამაერთიანებელი სწორედ ის ევროპული ღირებულებები და მომავალია, რომლის დაკარგვის პირასაც ვიმყოფებით ახლა", — დაწერეს სტუდენტებმა.
- 12 მაისს კავკასიის უნივერსიტეტის სტუდენტებმა, სასწავლო პროცესის გაუქმებასთან დაკავშირებით, პეტიცია შექმნეს:
- "ჩვენ არ დავთმობთ ქვეყნის დამოუკიდებლობას და მრავალსაუკუნოვან ევროპულ ღირებულებებს, ამიტომ, საქართველოს დასაცავად გვიწევს შევწყვიტოთ სასწავლო პროცესი იქამდე, ვიდრე მას ჩვეული, ევროპული მიმართულებით სვლის საშუალება მიეცემა!", — წერია პეტიციაში.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები