რა ხდება: თბილისის მერია აცხადებს, რომ რუსული კანონის საწინააღმდეგო აქცია, რომელიც ახლა რუსთაველზე მიმდინარეობს, არასანქცირებულია.

  • განცხადებაში, რომელიც უწყებამ გაავრცელა, ვკითხულობთ, რომ ქართულმა ოცნებამ "სახალხო შეკრებასთან" დაკავშირებით 22 აპრილს მიმართა მერიას და "შეკრების მასშტაბურობიდან" გამომდინარე, სამზადისი სამი დღით ადრე დაიწყეს.

დეტალები: "არსებობს კანონის შესაბამისი გაფრთხილება, რომ 27 აპრილიდან 30 აპრილამდე, ქართულ ოცნებას დაკავებული აქვს პარლამენტის მიმდებარე ტერიტორია, სადაც ეწყობა მსუბუქი კონსტრუქციის სცენა, მონტაჟდება ეკრანები და სხვადასხვა აპარატურა", — წერია განცხადებაში.

შესაბამისად, მერია წერს, რომ შეკრება, რომელიც ახლა მიმდინარეობს რუსთაველზე, არასანქცირებულია.

  • "მოვუწოდებთ მათ, თავი შეიკავონ პროვოკაციებისგან და მისცენ 29 აპრილს დაგეგმილი ღონისძიების ორგანიზატორებს სამუშაოების ჩატარების შესაძლებლობა", — აცხადებს მერია.