საზოგადოებრივი მაუწყებელი 41 ახალი კამერისა და კამერებისთვის აქსესუარების ყიდვა სურს. შესაბამისი ტექნიკის შესაძენად ტენდერი უკვე გამოცხადდა. შესყიდვის სავარაუდო ღირებულება 3 204 521 ლარია.

ტენდერში მონაწილეობა 19-დან 22 აგვისტომდეა შესაძლებელი. შესაძენი ტექნიკის სრულ სიას შეგიძლიათ გაეცნოთ აქ.

საზოგადოებრივი მაუწყებლის მოქმედმა მენეჯმენტმა არხზე მიმდინარე ტექნიკური გადაიარაღების შესახებ არაერთხელ ისაუბრა. ერთ-ერთი ასეთი საუბრის დროს, მიმდინარე წლის 4 ივლისს, ჟურნალისტებს ტექნიკური გადაიარაღების ოთხწლიანი გეგმა გააცნეს.

ოთხწლიანი გეგმის მიხედვით, არხს ექნება ახალი ნიუსრუმი, სასერვერო, საეთეროები და სააპარატოები, განახლებული კამერები, განათლების სისტემები, რამდენიმე სტუდია, არქივი, რეგიონული ბიუროები და განახლებული რადიო.

ახალი შენობის აშენებამდე რემონტდება მაუწყებელი არსებული შენობის მესამე სართული. შენობის გარემონტებულ ნაწილში საინფორმაციო სამსახური გადავა.

ასევე წაიკითხეთ: საზოგადოებრივი მაუწყებელი 2017 წელს გამოშვებულ 20 ჯიპს მილიონ ლარად შეისყიდის