რა ხდება: ტელეგრამზე გავრცელებული ინფორმაციის საპასუხოდ, რომ დღეს, თბილისის რამდენიმე სკოლაზე თავდასხმა იგეგმება, სახელმწიფო უსაფრთხოების სამსახური განცხადებას ავრცელებს.

დეტალები: უწყების ინფორმაციით, რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა.

  • სუსი წერს, რომ ინფორმაციის გავრცელების შემდეგ, კონტრტერორისტული დანაყოფები მთელი ღამის განმავლობაში მუშაობდნენ.

კონტექსტი: ტელეგრამ არხებზე ვრცელდება ინფორმაცია, რომ თბილისის რამდენიმე სკოლასა და სავაჭრო ცენტრზე თავდასხმა იგეგმება.

პოსტები რუსულ ენაზეა დაწერილი და ასახელებენ კონკრეტულ სკოლებსა და სავაჭრო ცენტრებს, სადაც, ადამიანებს "თავს უნდა დაესხან".


ვრცლად: სოციალურ ქსელებში გავრცელებულ ინფორმაციას, სკოლებზე თავდასხმის შესახებ, სამართალდამცველები სწავლობენ