მოკლედ: დღეს, 20 აპრილს, 17:00 საათზე, პირველი რესპუბლიკის მოედანზე, გაიმართება ქალების მარში, სახელწოდებით — ქალები ვირჩევთ ევროპას!

  • აქცია-მსვლელობის ორგანიზატორი არის ქალთა მოძრაობა.

დეტალები: ქალთა მარშის მთავარი მოთხოვნაა, რომ საქართველოს პარლამენტმა უკან გაიწვიოს რუსული კანონი, რომელიც 17 აპრილს პირველი მოსმენით მიიღო:

  • "რუსული კანონით ვერ დაგვადუმებთ ამ ქვეყნის ამომრჩეველ 53% ქალს! ჩვენ ვცხოვრობთ სახელმწიფოში, რომელიც სათანადოდ არასდროს იცავდა ქალების უფლებებს და ინტერესდებოდა ჩვენი პრობლემებით. რუსული კანონით კი საბოლოოდ გვდევნიან ყველა სივრციდან".

თბილისის გარდა, მარში გაიმართება ქუთაისში, გორში, მარნეულში, ახმეტაში, ბოლნისში, ბათუმში, ოზურგეთში და წნორი.

გარდა ამისა, აქციის ორგანიზატორები წერენ, რომ რუსულ კანონს და გენდერული კვოტების გაუქმებას საერთო მიზანი აქვთ — ძალაუფლების შენარჩუნება, რაც, მათი თქმით, კიდევ უფრო დიდ საფრთხეს უქმნის საქართველოში მცხოვრებ ყველა ქალს:

  • "მოვუწოდებთ პარლამენტს, მოუსმინონ ქალების ხმას, გაითვალისწინოს პრეზიდენტის ვეტო და მოტივირებული შენიშვნები. არ გააუქმოთ გენდერული კვოტები!".

რედაქციისგან: რატომ გვჭირდება გენდერული კვოტირების პოლიტიკა — პოზიციები და ანალიზი