რა ხდება: საქართველოს პარლამენტმა რუსული კანონი პირველი მოსმენით დღეს არ მიიღო.

  • კანონპროექტის განხილვა ხვალ გაგრძელდება და, სავარაუდოდ, კენჭსაც ხვალ უყრიან.

დეტალები: შალვა პაპუაშვილმა თქვა, რომ საკითხი ამოწურული არ არის და ხვალინდელ დღეზე გადადის.

  • ხვალ საპარლამენტო გამოსვლებს ლელო, რეფორმების ჯგუფი, საქართველოსთვის, ნაციონალური მოძრაობა და უმრავლესობა გააგრძელებს.
  • პლენარული სხდომა ხვალ 12 საათზე დაიწყება, 15 წუთით ადრე კი ბიუროს სხდომაა ჩანიშნული.

დეტალები: საკითხზე მსჯელობა პარლამენტმა დღეს პლენარულ სხდომაზე 12 საათზე დაიწყო.

  • ოპოზიცია მოითხოვდა, უმრავლესობას რუსული კანონი უკან გაეწვია.

გუშინ, კანონპროექტი პირველი მოსმენით მიიღეს იურიდიულ საკითხთა კომიტეტის სხდომაზე, რომელმაც ხმაურის და ფიზიკური დაპირისპირების ფონზე ჩაიარა.

გაიგე მეტი: ალეკო ელისაშვილმა მამუკა მდინარაძეს ხელი დაარტყა

რა იქნება ამის შემდეგ

პროცედურულად: ზოგადად, კანონპროექტის მისაღებად საჭიროა დეპუტატების სამი მოსმენით მხარდაჭერა პლენარულ სხდომაზე.

  • რუსული კანონის საბოლოო, მესამე მოსმენით მხარდაჭერის თარიღად 17 მაისია განსაზღვრული.
  • კანონი, მიღების შემთხვევაში, პრეზიდენტს გადაეგზავნება.
  • პრეზიდენტის საპარლამენტო მდივანმა თქვა, რომ სალომე ზურაბიშვილი კანონს ვეტოს დაადებს.
  • თუმცა, ამის შემდეგ, საპარლამენტო უმრავლესობა ვეტოს დაძლევას შეეცდება, მას დასაძლევად საკმარისი მანდატი აქვს.