რა ხდება: პროკურატურამ გენდერის ნიშნით ოჯახის წევრის მიმართ ჩადენილი განზრახ მკვლელობის ფაქტზე, შუახეველ კაცს ბრალდება წარუდგინა.

დეტალები: გამოძიებით დადგინდა, რომ 2 აპრილს, შუახევის მუნიციპალიტეტში ბრალდებულმა, რომელსაც მიაჩნდა, რომ მისი მეუღლის ცხოვრების წესი არ შეესაბამებოდა კულტურულ, ტრადიციულ ნორმებს და ხელყოფდა მის ღირსებას, გენდერის ნიშნით მოკლა, შემდეგ კი თვითმკვლელობა სცადა.

  • გარდაცვლილი ქალის ცხედარი შუახევის მუნიციპალიტეტში, სოფელ ნენიის ტერიტორიაზე იქნა აღმოჩენილი.
  • კაცი 9 აპრილს სასამართლოს განჩინების საფუძველზე, საავადმყოფოში დააკავეს.
  • დაკავებამდე ის ჯანმრთელობის მდგომარეობის გამო უგონო მდგომარეობაში იმყოფებოდა.

მისი დანაშაული სასჯელის სახედ და ზომად 16-დან 20 წლამდე, ან უვადო პატიმრობას ითვალისწინებს.