ცოტა ხნის წინ Black Sea Arena-მ Scorpions-ის კონცერტზე დასასწრები ბილეთების ფასები და ადგილების განლაგება გამოაქვეყნა. ყველაზე იაფიანი ბილეთი 145 ლარი ღირს. Star Ring-ის ბილეთების ფასი 220 ლარია, ხოლო VIP ბილეთების ფასი 550 ლარს შეადგენს.

ფოტო: Black Sea Arena

ბილეთების შეძენა 3 აპრილს 10:00 საათიდან BSA.ge-სა და TKT.ge-ზე დაიწყება. აღსანიშნავია, რომ BSA.ge-ზე მხოლოდ Star Ring-ის ბილეთების ყიდვა იქნება შესაძლებელი.

Scorpions-ის კონცერტი 31 მაისს Black Sea Arena-ზე გაიმართება.

Scorpions-ის კონცერტი მასშტაბური კამპანიის, Starring Georgia-ის ნაწილია, რომლის თანაორგანიზატორი საქართველოს მთავრობაა. მსოფლიო ვარსკვლავების კონცერტების დასაგეგმად მთავრობამ 70 მილიონი ლარი გამოყო.

კამპანიის ფარგლებში, წელს საქართველოში კონცერტებს 10 მაისს OneRepublic, 18 აგვისტოს კი Jungle გამართავენ.