მოკლედ: შინაგან საქმეთა სამინისტროს ინფორმაციით, შიდა ქართლში "ქურდულ სამყაროსთან" კავშირში მყოფი 6 პირი დააკავეს.

დეტალები: შსს-ს თქმით, ერთად დასაქმებულ ორ ბრალდებულს შორის ურთიერთშელაპარაკების დროს კონფლიქტი წარმოიშვა, რაც ფიზიკურ დაპირისპირებაში გადაიზარდა.

  • მათ კონფლიქტის მოგვარება "ქურდული სამყაროს" წესების მიხედვით გადაწყვიტეს და ე.წ. კრიმინალურ ავტორიტეტებს მიმართეს, რის შემდეგაც ბრალდებულებს შორის "ქურდული გარჩევა" მოეწყო.
  • პოლიციამ, ბრალდებულების პირადი და საცხოვრებელი სახლების ჩხრეკისას ნივთმტკიცებად კომპიუტერული ტექნიკა და მობილური ტელეფონები ამოიღო, რომელთა საშუალებითაც ისინი ერთმანეთს და საზღვარგარეთ მყოფ "კანონიერ ქურდებს" უკავშირდებოდნენ.

"ქურდული სამყაროს" წევრობის ფაქტზე დაკავებულები არიან:

  • 1991 წელს დაბადებული ზ.კ — ზედმეტსახელად "კეკო",
  • 1986 წელს დაბადებული ნ.მ — "მაჩიტა";
  • 1998 წელს დაბადებული ნ.თ — "ბაბუცა";
  • 1989 წელს დაბადებული გ.ა;
  • "ქურდული სამყაროს" წევრისთვის მიმართვის ფაქტზე დაკავებულები არიან: 2000 წელს დაბადებული ლ.ლ და 2004 წელს დაბადებული გ.ი.

ბოლო ხაზი: დანაშაული 10 წლამდე ვადით თავისუფლების აღკვეთას ითვალისწინებს.