მოკლედ: BBC-ს ინფორმაციით, 15 თებერვალს, ხუთშაბათს, საბერძნეთის პარლამენტმა ერთნაირსქესიანთა ქორწინებას მხარი დაუჭირა, კანონი ერთნაირსქესიანთა წყვილებს ბავშვის შვილად აყვანის უფლებას აძლევს.

ლგბტქ+ თემის წევრები და მხარდამჭერები საბერძნეთის პარლამენტის წინ ერთნაირსქესიანთა ქორწინების დაკანონებას ზეიმობენ — 15 თებერვალი, 2024 წელი

ლგბტქ+ თემის წევრები და მხარდამჭერები საბერძნეთის პარლამენტის წინ ერთნაირსქესიანთა ქორწინების დაკანონებას ზეიმობენ — 15 თებერვალი, 2024 წელი

ფოტო: REUTERS/Louisa Gouliamaki

დეტალები: BBC წერს, რომ კანონპროექტს 300-მანდატიან პარლამენტში 176-მა დეპუტატმა დაუჭირა მხარი, წინააღმდეგი იყო —76.

  • საბერძნეთის პრემიერ-მინისტრმა კირიაკოს მიცოტაკისმა თქვა, რომ ახალი კანონი "გაბედულად გააუქმებს სერიოზულ უთანასწორობას".
  • BBC-ის მიხედვით, ერთნაირსქესიანთა ქორწინების დაკანონებას საბერძნეთის მართლმადიდებლური ეკლესიისგან საპროტესტო აქცია მოჰყვა.
  • "დედაქალაქის სინტაგმის მოედანზე ბევრმა გამოფინა ბანერები, ეჭირათ ჯვრები, წაიკითხეს ლოცვები და მღეროდნენ ბიბლიიდან ნაწყვეტებს", — წერს BBC.

ფოტო: BBC

  • საბერძნეთი არის ერთ-ერთი პირველი მართლმადიდებლური ქრისტიანული ქვეყანა, რომელმაც ერთნაირსქესიანთა ქორწინება ლეგალურად აღიარა.

ბოლო ხაზი: BBC-ს მიხედვით, ევროკავშირის 27 წევრიდან თხუთმეტმა უკვე დააკანონა ერთნაირსქესიანთა ქორწინება. ის ნებადართულია მსოფლიოს 35 ქვეყანაში.