მოკლედ: დღეს, 10 თებერვალს, საქართველოს პრემიერ-მინისტრი ირაკლი კობახიძე ბაღდათის მუნიციპალიტეტში, სოფელ ნერგეეთში ჩავიდა, სადაც 7 თებერვალს სტიქიას 9 ადამიანი ემსხვერპლა.

დეტალები: საქართველოს მთავრობის მიხედვით, ირაკლი კობახიძე სტიქიის სალიკვიდაციო სამუშაოებს გაეცნო და აღნიშნა, რომ სადაც ოჯახების განსახლება იქნება საჭირო, "ხელისუფლება მიიღებს შესაბამის ზომებს და ასევე იქნება კომპენსაციების შემთხვევაშიც".

  • "ძალიან დიდი ტრაგედია მოხდა. რაც შეეხება პრევენციას, ყველაფერი გაკეთდება სამომავლოდ იმისათვის, რომ მაქსიმალურად ვიზრუნოთ ასეთი შემთხვევების პრევენციაზე", — თქვა პრემიერ-მინისტრმა.
  • საქართველოს პრემიერ-მინისტრი სტიქიის შედეგად გარდაცვლილთა ოჯახებშიც იმყოფებოდა.

ფოტო: საქართველოს მთავრობა

ნერგეეთში, სადაც სტიქიას 4 ადამიანი ემსხვერპლა, მეწყრულ პროცესებს 2022 წლიდან პროგნოზირებდნენ:

გარემოს ეროვნული სააგენტოს გეოლოგიის დეპარტამენტის ბიულეტენში, რომელიც 2023 წელს პროგნოზირებს, წერია, რომ:

  • მეწყრული პროცესების გააქტიურება მოსალოდნელია სოფლებში: ობჩა, დიმი, წილეთხევი, ფერსათი, ნერგეეთი, შუბანი და ზეგანი.

  • ნერგეეთში მეწყერი მდინარე ხანისწყლის ნაპირზე მდებარე სახლების თავზე ჩამოწვა. დოკუმენტის მიხედვით, სწორედ ამ ადგილას იყო მოსალოდნელი ქვათაცვენის და ნაპირგარეცხვითი პროცესების წარმოქმნა-გააქტიურება.

ფოტო: გარემოს ეროვნული სააგენტი

გაიგე მეტი: ნერგეეთში, სადაც სტიქიას 9 ადამიანი ემსხვერპლა, მეწყრულ პროცესებს 2022 წლიდან პროგნოზირებდნენ.