იურული სამყარო 4 მომავალ წელს გამოვა
![](http://rachel.on.ge/2024/02/06/1707229365_65c240c8c9726.jpg)
ფოტო: Universal Pictures
იურული სამყაროს ტრილოგია მალე ტეტრალოგიად იქცევა — კინოსტუდია Universal-სა და რეჟისორ დევიდ ლიჩს შორის მოლაპარაკებები მიმდინარეობს იურული სამყარო 4-ის გადასაღებად. მართალია, ჯერ კიდევ დაუსათაურებელი პროექტი ადრეულ ეტაპზეა, მაგრამ ფილმის გამოსვლის ზუსტი თარიღი უკვე ვიცით — 2025 წლის 2 ივლისი.
იურული სამყაროს მე-4 ნაწილის სცენარის ავტორი დევიდ კეპი იქნება, რომელსაც წინათ ფრენჩაიზის პირველ ორ ფილმზე (იურული პარკი და დაკარგული სამყარო: იურული პარკი) უმუშავია. პროექტის აღმასრულებელი პროდიუსერის როლს კი სტივენ სპილბერგი მოირგებს. ჯერჯერობით უცნობია, ვიხილავთ თუ არა ახალ ფილმში წინამორბედებში მონაწილე მსახიობებს.
///
იურული პარკის ფილმების სერია, რომელიც 1993 წელს სტივენ სპილბერგის ამავე სახელწოდების კინოსურათის გამოშვებით დაიწყო, ჰოლივუდის ისტორიაში ერთ-ერთი ყველაზე მაღალშემოსავლიანი ფრენჩაიზია. ორი ტრილოგიისგან (იურული პარკი და იურული სამყარო) შემდგარმა სერიამ ჯამში $6 მილიარდზე მეტი გამოიმუშავა. სპილბერგის ფილმები მაიკლ კრაიტონის სამეცნიერო ფანტასტიკის ჟანრის რომანების მიხედვითაა გადაღებული.
ფრენჩაიზი მხოლოდ კომერციული წარმატებით როდი გამოირჩევა — მიიჩნევა, რომ იურული პარკის ტრილოგიამ ფილმებში კომპიუტერულად გენერირებული სურათებისა (CGI) და თანამედროვე სპეცეფექტების გამოყენებას დაუდო საფუძველი.
თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...
-
-
გადახედვა
-
გადახედვა
-
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
-
კომენტარები