რა ხდება: საქართველოს პრეზიდენტმა, სალომე ზურაბიშვილმა პრემიერ-მინისტრობის სამთავრობო კანდიდატს, ირაკლი კობახიძეს საპარლამენტო ტრიბუნიდან მიმართა. პრეზიდენტი პარლამენტში იმყოფება, რათა წლიური ანგარიშით მიმართოს დეპუტატებს.

სალომე ზურაბიშვილი: "მივმართავ ახალ თუ მომავალ პრემიერს. თქვენ, ვისთანაც ასოცირდება:

  • გავრილოვის შემოშვება პარლამენტში,
  • შარლ მიშელის დოკუმენტის ანულირება,
  • ანტიევროპული რიტორიკა და იმპიჩმენტი,

როგორ აპირებთ საზოგადოების ევროპული დაკვეთის შესრულებას და კერძოდ, რეკომენდაციების არჩევნებამდე განხორციელებას?"

გირჩევთ, იხილოთ: ევროპისკენ სვლა ირაკლი კობახიძის პირობებში? — რას ველოდოთ

მანამდე კი თქვა, რომ როგორც ამ ქვეყნის პრეზიდენტი, წინასწარ ვერ და არ შეაფასებს ახალ თუ მომავალ პრემიერს, არც იმას, თუ რას ნიშნავს ერთის მოსვლა, მეორეს წასვლა და მესამის წახალისება, "მაგრამ ვალდებული ვარ, ამ ტრიბუნიდან გავაჟღერო ის, რაც საზოგადოებას აწუხებს და რაზეც პასუხის მიღება მათი უფლებაა. ასეთი ანგარიშვალდებულება საზოგადოების მიმართ დემოკრატიის მთავარი პრინციპია."

  • ამის შემდეგ ზურაბიშვილმა პრემიერ-მინისტრობის კანდიდატს უშუალოდ მიმართა, ევროპიდან მიღებული პრიორიტეტების შესრულების ვალდებულებაზე აქცენტით. ამავე კონტექსტში მოიხსენია ბიძინა ივანიშვილიც, როგორც ძალაუფლების ბერკეტის მქონეთა მმართველი.

გაიგე მეტი: პრეზიდენტმა ზურაბიშვილმა საპარლამენტო ტრიბუნიდან პირველად მიმართა ივანიშვილს — რა უთხრა

სალომე ზურაბიშვილი: "ნათელია, რომ ამ პრიორიტეტების შესრულებას ერთპიროვნულად ვერავინ შეძლებს, რამეთუ ის, რაც გასაკეთებელია ყველას პასუხისმგებლობაა ქვეყნისა და მომავლის წინაშე.

  • თუმცა, ამავე დროს ცხადია, რომ მთავარი მოვალეობა და პასუხისმგებლობა ეკისრება მას, ვის ხელშიც ძალაუფლების ყველა ბერკეტია, ესე იგი, მთავრობას, საპარლამენტო უმრავლესობასა და ახლა უკვე, მათ მმართველს, ბიძინა ივანიშვილს. მათ, კოლექტიურად და პიროვნულად ევალებათ ევროკავშირის 9 რეკომენდაციის მყისიერად განხორციელება.
  • მე, როგორც ამ ქვეყნის პრეზიდენტი, წინასწარ ვერ და არ შევაფასებ ახალ თუ მომავალ პრემიერს, არც იმას, თუ რას ნიშნავს ერთის მოსვლა, მეორეს წასვლა და მესამის წახალისება, მაგრამ ვალდებული ვარ, ამ ტრიბუნიდან გავაჟღერო ის, რაც საზოგადოებას აწუხებს და რაზეც პასუხის მიღება მათი უფლებაა. ასეთი ანგარიშვალდებულება საზოგადოების მიმართ დემოკრატიის მთავარი პრინციპია."

გაიგე მეტი: კონსტიტუციით, რას გულისხმობს ზურაბიშვილის პროცედურული როლი კობახიძის პრემიერად დასანიშნად