მოკლედ: თბილისის საქალაქო სასამართლომ, პროკურატურის მიერ წარდგენილი მტკიცებულებების საფუძველზე, ადამიანით ვაჭრობაში (ტრეფიკინგში) ბრალდებული 2 პირი დამნაშავედ ცნო.

  • ინფორმაციას პროკურატურა ავრცელებს.

რა ვიცით დანაშაულზე: პროკურატურის მიხედვით, 2023 წლის აპრილში ბრალდებულებმა დაზარალებული მოტყუებით, მუშაობის მიზნით გაამგზავრეს ირანში, სადაც ის გადასცეს პირს, რომლის მიმართაც "სოლიდური ფინანსური ვალდებულება გააჩნდათ".

  • დაზარალებული საზღვარგარეთ მონობის თანამედროვე პირობებში აღმოჩნდა. კერძოდ, მას ჩამოართვეს პასპორტი, შეუზღუდეს თავისუფალი გადაადგილება და კომუნიკაცია ოჯახის წევრებთან, აკონტროლებდნენ და მასზე მუდმივად ძალადობდნენ.

ბოლო ხაზი: თბილისის საქალაქო სასამართლოს გადაწყვეტილებით, ბრალდებულთაგან ერთს სასჯელის ზომად 13 წელი განესაზღვრა, ხოლო მეორეს — 13 წელი და 6 თვე.