მოკლედ: მოსამართლე ნინო შჩერბაკოვმა მთის ამბების რედაქტორს, გელა მთივლიშვილს, რომელიც პოლიციამ 23 იანვარს, კეკელიძის ქუჩაზე, ხატიაშვილების ოჯახის გამოსახლების პროცესის გაშუქებისას დააკავა, 2000-ლარიანი ჯარიმა დააკისრა.

  • მთივლიშვილის სასამართლო პროცესი, თბილისის საქალაქო სასამართლოში, 25 იანვარს გაიმართა, გადაწყვეტილება კი დღეს, 31 იანვარს, გამოცხადდა.

დეტალები: გელა მთივლიშვილმა On.ge-თან თქვა, რომ "არ არსებობს საქმეში მტკიცებულება, რომელიც მისი მხრიდან რაიმე ტიპის სამართალდარღვევას დაადასტურებდა".

  • მთივლიშვილი ამბობს, რომ გადაწყვეტილებას სააპელაციო სასამართლოში გაასაჩივრებს, სადაც, მისი თქმით, "დიდი მოლოდინი არ აქვს".
  • სააპელაციო სასამართლოს შემდეგ კი, მთივლიშვილი ადამიანის უფლებათა ევროპულ სასამართლოს მიმართავს.

ბოლო ხაზი: 23 იანვარს, ხატიაშვილების ოჯახის გამოსახლების დროს, ჯამში 20 ადამიანი დააკავეს, 18 ადმინისტრაციული წესით, ხოლო 2 სისხლის სამართლის დანაშაულის ბრალდებით.

  • იმავე პროცესის გაშუქებისას, პოლიციელმა ონლაინ-პლატფორმა მაუწყებლის ჟურნალისტი, რატი რატიანი, უხეში ძალის გამოყენებით ძირს ჩააგდო და საფრთხე შეუქმნა მის ჯანმრთელობასა და სიცოცხლეს.

მსგავსი: კეკელიძეზე ადმინისტრაციული წესით დაკავებული 2 პირის სასამართლო იყო ფორმალური — DRI