სრულად ელექტრო Porsche Macan- ის მსოფლიო პრემიერა — პორშეს პირველი ელექტრო SUV ახალ სტანდარტებს ამკვიდრებს
- Porsche Macan 4-ისა და Macan Turbo-ს მსოფლიო პრემიერა სინგაპურში გაიმართა
- PSM-ამძრავები 639 ცხენის ძალამდე სიმძლავრითა და 1130 ნიუტონმეტრით
- 100 კვ.სთ ელემენტები 613-მდე კილომეტრის გავლის რესურსით
პორშემ პირველი თაობის გამოშვებიდან 10 წლის შემდეგ ახალი, მეორე თაობის მაკანი წარმოადგინა, რომელიც სრულად ელექტრომობილია. ახალი მაკანი 639 ცხენის ძალამდე სიმძლავრით გზებსა და უგზოობაზე განსაკუთრებული ელექტროპერფორმანსით გამოირჩევა. ის ყოველდღიური მოხმარებისთვის საუკეთესო არჩევანია — სპორტქარისთვის დამახასიათებელი მართვადობა, სწრაფი დამუხტვა 270 კილოვატამდე და ერთი დამუხტვით 613 კილომეტრის გავლის რესურსი WLTP-ის მიხედვით.
პროგრესული დიზაინით, პორშესთვის დამახასიათებელი სპორტული შესაძლებლობებით და შორ გზებზე გადაადგილების ერთ-ერთი საუკეთესო რესურსით ახალი Macan 4 და Macan Turbo პორშეს მომხმარებლების მოთხოვნებს მაქსიმალურად დააკმაყოფილებენ.
ოლივერ ბლუმე, Porsche AG-ის გენერალური დირექტორი: "ჩვენ მაკანი სრულიად ახალ საფეხურზე ავიყვანეთ — არაჩვეულებრივი ელექტროპერფორმანსით, უახლესი ტექნიკითა და მძაფრი დიზაინით".
პორშემ ახალ მაკანში წინა და უკანა ღერძებზე განთავსებულ, უახლესი თაობის PSM-ელექტროძრავებზე გააკეთა აქცენტი. Launch Control-თან ერთად, ახალი Macan 4-ის სიმძლავრე 408 ცხენის ძალამდე ადის, ხოლო Macan Turbo-ს სიმძლავრე — 639 ცხენის ძალას აღწევს. მაქსიმალური მაბრუნი მომენტი პირველი ვერსიის შემთხვევაში 650 ნიუტონმეტრია, მეორეს კი 1130 ნმ აქვს. ეს ყველაფერი საუკეთესო სპორტული შესაძლებლობების გარანტიაა. Macan 4 ადგილიდან 100 კმ/სთ-მდე 5,1 წამში ჩქარდება, Macan Turbo-ს კი ასეთი აჩქარებისთვის მხოლოდ და მხოლოდ 3,3 წამი სჭირდება. მაქსიმალური სისწრაფე პირველის შემთხვევაში 220 და, შესაბამისად, 260 კმ/სთ-ია.
"გვაქვს ამბიცია, რომ ახალი, სრულიად ელექტრო მაკანის სახით ამ სეგმენტში ყველაზე სპორტული მოდელი წარმოვადგინეთ", — ამბობს მაკანის წარმოების ხელმძღვანელი, იორგ კერნერი.
ახალი პრემიუმ პლატფორმა PPE 800-ვოლტიანი არქიტექტურით
ახალი მაკანის ელექტროძრავები ენერგიას ავტომობილის ძირში განთავსებული ლითიუმ-იონური ელემენტებისგან იღებს. მათი 100 კვ.სთ-იანი ტევადობიდან 95 ყოველთვის აქტიურად გამოიყენება. პორშეს ახალი პლატფორმის, Premium Platform Electric-ის (PPE) ცენტრალური ნაწილი 800-ვოლტიანი არქიტექტურის მქონე HV-ბატარეა გახლავთ, რომელიც პორშეს სამოდელო რიგში პირველმა სწორედ ახალმა მაკანმა მიიღო. ყველაზე მთავარი: DC-დამუხტვის სიმძლავრე 270 კილოვატამდეა. შესაბამისი დამტენით ავტომობილის 10-დან 80 პროცენტამდე დამუხტვა დაახლოებით 21 წუთშია შესაძლებელი. 400-ვოლტიან დამტენებზე შეერთებისას 800-ვოლტიანი ბატარეა ორ, 400-400-ვოლტიან, ნაწილად იყოფა, რაც შესაძლებელს ხდის განსაკუთრებით ეფექტიან დატენას დამატებითი HV-ბუსტერის გარეშე, 135 კილოვატამდე სიმძლავრით. სახლის ჩვეულებრივ როზეტში კი AC-დამუხტვის სიმძლავრე 11 კილოვატამდეა. მართვის დროს ახალ მაკანს რეკუპერაციის პრინციპით 240 კილოვატამდე ენერგიის უკუგამომუშავება შეუძლია. WLTP-ის მიხედვით, ერთი დამუხტვით გასავლელი მანძილის რესურსი Macan 4-ის შემთხვევაში დაახლოებით 613 კილომეტრია, Macan Turbo-ს კი 591-მდე კილომეტრის გავლა შეუძლია.
მაკანის ახალი მოდელები, გამძაფრებული პროპორციებითა და პორშეს დიზაინის დნმ-ით, სპორტული თვალსაზრისით დომინანტურად გამოიყურებიან.
მიხაელ მაუერი, Style Porsche-ს ხელმძღვანელი: "სრულიად ელექტრო მაკანის სახით ჩვენ წარმოვადგინეთ პირველი პორშე, რომელიც ბაზარზე დამკვიდრებული მოდელის ელექტრიფიცირებული ვერსიაა. ახალი მაკანი ჩვენი ბრენდის იდენტობას ნათლად გამოხატავს. პორშესთვის დამახასიათებელი პროპორციები კიდევ უფრო დაიხვეწა და ელექტრომობილის გამოწვევებს ოპტიმალურად მოერგო. ამ ავტომობილის დიზაინი გვეუბნება: მაკანის ელექტრიფიცირებული ვერსიაც სეგმენტის სპორტქარია".
აქტიური და პასიური აეროდინამიკა მეტი რესურსისთვის
პორშემ ახალ მაკანში თავისი დიზაინის დნმ ელექტრომობილის რესურსისთვის მნიშვნელოვან აეროდინამიკას მაქსიმალურად შეუსაბამა. Porsche Active Aerodynamics-ით, აქტიური და პასიური ელემენტებით, ასევე ჰაერის წინააღმდეგობის 0,25-იანი კოეფიციენტით ახალი მაკანი ერთ-ერთი ყველაზე აეროდინამიკური SUV-ია, რაც პოზიტიურ გავლენას ახდენს როგორც ერთი დამუხტვით გასავლელ მანძილზე, ისე ენერგიის ხარჯზე.
ორი საბარგული და მეტი პრაქტიკულობა
ახალი მაკანი ყოველდღიურობაში მაღალი გამოყენებადობით, მაღალხარისხიანი კომპლექტაციითა და გაუმჯობესებული პრაქტიკულობით გამორჩეული სპორტული SUV-ია. ელექტრიფიკაციის შემდეგ მაკანში უფრო მეტად ტევადია. საბარგულის მინიმალური მოცულობა კომპლექტაციების მიხედვით 540 ლიტრამდეა. ამას ემატება ე.წ. Frunk-საბარგული, რომელიც 84-ლიტრიანია. წინა, პირველი თაობის მაკანთან შედარებით, ჯამში, 127 ლიტრით მეტ მოცულობას ვიღებთ. თუკი მეორე რიგის სავარძლების საზურგეებს გადაწევთ, საბარგულის მოცულობა 1348 ლიტრამდე იზრდება.
Driver Experience: მაღალი ხარისხი და მულტიმედია
ინტერიერში პორშესთვის დამახასიათებელი გარემოა. თანამედროვე, ციფრული ეკრანების გარდა, ინტერიერში ასევე გელოდებათ ჰაერის დამბერებისა და კლიმატკონტროლის სამართავი ელემენტები. კოკპიტსა და კარებზე LED განათების ხაზია ინტეგრირებული.
ახალმა მაკანმა მაჩვენებლებისა და მომსახურების კონცეფციის უახლესი თაობა მიიღო - მაქსიმუმ 3 ეკრანით. მათ შორისაა 12,6-დუიმიანი ხელსაწყოთა პანელი და 10,9-დუიმიანი ცენტრალური სენსორული ეკრანი. მომხმარებლებს ამიერიდან მძღოლის გვერდითაც ექნებათ 10,9-დუიმიანი ეკრანი დამატებითი ოფციის სახით, რომელზეც წინა მგზავრი გაეცნობა მნიშვნელოვან ინფორმაციებს ავტომობილთან დაკავშირებით, მას შესაძლებლობა ექნება უყუროს ფილმს ან ნებისმიერ ვიდეოს. Porsche Driver Experience-ში პირველად შედის Head-up-დისპლეიც.
პირველი მაკანი უკანა ბორბლების მოხვევით და 2-სარქვლიანი ამორტიზატორებით
იორგ კერნერი, მაკანის წარმოების ხელმძღვანელი: "პორშემ ახალ მაკანზე მუშაობისას უდიდესი მნიშვნელობა მიანიჭა ბრენდისთვის დამახასიათებელ სვლის დინამიკას, მაღალ კომფორტს ყოველდღიურ ხმარებაში და პორშესთვის ტიპურ მოხვევას. სპორტული ჯდომის პოზიციით და სიმძიმის დაბალი ცენტრით, ასევე შთამბეჭდავი დინამიკურობითა და მოხვევის სიზუსტით ახალ მაკანში ნამდვილი სპორტული ავტომობილის შეგრძნებები გარანტირებული გაქვთ".
Macan 4-იცა და Macan Turbo-ც სრულამძრავიანი (4x4) ვერსიებია. ელექტრონულად მოქმედი Porsche Traction Management (ePTM) 5-ჯერ უფრო სწრაფად არეგულირებს სრული ამძრაობის ჩვეულებრივ სისტემას და 10 მილიწამში შეუძლია რეაგირება. სრული ამძრავის გადანაწილება სვლის შერჩეულ რეჟიმზეცაა დამოკიდებული. Porsche Torque Vectoring Plus (PTV Plus), ელექტრონულად მოქმედი ბლოკირება უკანა ღერძზე, Macan Turbo-სთვის დამატებით მოჭიდებას, სვლის სტაბილურობასა და დინამიკას უზრუნველყოფს.
პნევმატიკური დაკიდების მქონე მოდელები (სერიულია Turbo-ში) ამორტიზაციის ელექტრონული რეგულირებით აღიჭურვა, რომელსაც Porsche Active Suspension Management (PASM) ეწოდება. გარდა ამისა, მაკანმა პირველად მიიღო უკანა თვლების მოხვევის სისტემა (მაქსიმუმ 5-გრადუსიანი), რისი დამსახურებითაც მობრუნების რადიუსი 11,1 მეტრს შეადგენს, ხოლო მაღალ სისწრაფეებზე მართვისას ავტომობილის მდგრადობასა და სტაბილურობას უზრუნველყოფს.
2014 წლიდან პორშემ მთელი მსოფლიოს მასშტაბით 800 000-ზე მეტი მაკანი გაყიდა. ეს წარმატების ისტორიაა, რომელიც ახლა პორშეს ლაიფციგის ქარხანაში წარმოებულმა ელექტრულმა მაკანმა უნდა გააგრძელოს. პირველი მყიდველები ახალ მოდელებს წლის მეორე ნახევარში მიიღებენ.
-
გადახედვაღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს! ღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს!
-
გადახედვალანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას? ლანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას?
-
გადახედვარუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც რუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც
-
გადახედვაკაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა კაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა
-
-
გადახედვარამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას რამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას
-
გადახედვაპარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება პარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება
-
გადახედვასაქართველოს დასავლური კურსი საფრთხეშია — აშშ-ის სახელმწიფო დეპარტამენტი საქართველოს დასავლური კურსი საფრთხეშია — აშშ-ის სახელმწიფო დეპარტამენტი
-
გადახედვარა ვიცით თვალის არეში დაჭრილი ახალგაზრდა კაცის მდგომარეობაზე რა ვიცით თვალის არეში დაჭრილი ახალგაზრდა კაცის მდგომარეობაზე
-
გადახედვააქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო აქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო
-
გადახედვამოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია მოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია
-
გადახედვამოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე მოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე
-
გადახედვაპარლამენტში უსაფრთხოების წითელი დონე ამოქმედდა პარლამენტში უსაფრთხოების წითელი დონე ამოქმედდა
-
გადახედვამამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია მამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია
-
გადახედვა"მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი "მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი
-
გადახედვაფოტოებში: აქციაზე დაშავებული მშვიდობიანი დემონსტრანტები ფოტოებში: აქციაზე დაშავებული მშვიდობიანი დემონსტრანტები
-
გადახედვაფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში ფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში
-
გადახედვავითარება რუსთაველზე — ვრცელდება ინფორმაცია რეზინის ტყვიების გამოყენების შესახებ ვითარება რუსთაველზე — ვრცელდება ინფორმაცია რეზინის ტყვიების გამოყენების შესახებ
-
გადახედვამაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე მაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე
-
გადახედვაშსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით შსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით
-
გადახედვააქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს აქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს
კომენტარები