მოკლედ: კეკელიძეზე ხატიაშვილების ოჯახის მხარდასაჭერად გამართულ აქციაზე დაკავებული კაკო ჩიქობავას და გიორგი ხასაიას მხარდასაჭერად დღეს თბილისში, საქალაქო სასამართლოსთან, 15 საათზე აქცია გაიმართება.

  • ჩიქობავა და ხასაია სისხლის სამართლის წესით დააკავეს.
  • აღსრულების პოლიციის მანქანის დაზიანებისთვის მათ 3-დან 6 წლამდე პატიმრობა ემუქრებათ.

დეტალები: აქციის ორგანიზატორია მოძრაობა ხმა.

On.ge-ს კაკო ჩიქობავას და გიორგი ხასაიას ადვოკატმა, გური იმნაძემ უთხრა, რომ სასამართლო პროცესი დღეს გაიმართება.

პროკურატურა დაკავებულებისთვის პატიმრობის შეფარდებას ითხოვს.

ბოლო ხაზი: პოლიციამ კეკელიძის ქუჩაზე, 23 იანვარს, 20 ადამიანი დააკავა, მათგან 18 — ადმინისტრაციული, ხოლო ორი, ჩიქობავა და ხასაია — სისხლის სამართლის წესით.

  • კაკო ჩიქობავა თსუ-ში საქართველოს ისტორიას ასწავლის, გიორგი ხასაია კი — ილიას სახელმწიფო უნივერსიტეტის ანთროპოლოგიის დოქტორანტია.