მოკლედ: უკრაინის პრეზიდენტის, ვოლოდიმირ ზელენსკის თქმით, ბელგოროდში მომხდარი ავიაკატასტროფის საქმეზე საერთაშორისო გამოძიება უნდა დაიწყოს.

დეტალები: მისი თქმით, ცნობები მომხდართან დაკავშირებით თავდაცვის მინისტრისგან, შეიარაღებული ძალების მთავარსარდლისგან, შეიარაღებული ძალების გენერალური შტაბის უფროსისგან, დაზვერვის მთავარი სამმართველოს უფროსისგან და უსაფრთხოების სამსახურის ხელმძღვანელისგან მოისმინა.

  • "აშკარაა, რომ რუსები თამაშობენ უკრაინელი პატიმრების სიცოცხლით, მათი ახლობლების და ჩვენი საზოგადოების გრძნობებით“, — თქვა მან ვიდეომიმართვაში.
  • პრეზიდენტმა ხაზი გაუსვა, რომ აუცილებელია, შეძლებისდაგვარად დადგინდეს ყველა ფაქტი, იმის გათვალისწინებით, რომ თვითმფრინავი რუსეთის ტერიტორიაზე ჩამოვარდა.
  • "მე დავავალე უკრაინის საგარეო საქმეთა მინისტრს, ეცნობებინა პარტნიორებისთვის უკრაინაში არსებული მონაცემების შესახებ. ჩვენი სახელმწიფო დაჟინებით მოითხოვს საერთაშორისო გამოძიებას", - განაცხადა პრეზიდენტმა.

ბოლო ხაზი: ავიაკატასტროფა რუსეთის ტერიტორიაზე, სასაზღვრო — ბელგოროდის ოლქში, გუშინ მოხდა.

  • ბორტზე მყოფი 74-ვე ადამიანი დაიღუპა, მათ შორის — 65 უკრაინელი სამხედრო ტყვე, რომლებიც გაცვლა იგეგმებოდა.
  • რუსეთმა გუშინ განაცხადა, რომ თვითმფრინავი უკრაინის მიერ ნასროლმა რაკეტებმა ჩამოაგდო, თუმცა მტკიცებულებები არ წარუდგენია.