მოკლედ: ბელგოროდის ოლქში, კოროჩანსკის რაიონში ჩამოვარდნილი თვითმფრინავის ყველა მგზავრი დაღუპულია.

  • ინფორმაციას ოლქის გუბერნატორი, ვიაჩესლავ გლადკოვი ტელეგრამზე ავრცელებს.

დეტალები: ადგილი, სადაც თვითმფრინავი ჩამოვარდა, პოლიციას აქვს შემოსაზღვრული.

  • გლადკოვის განცხადებით, მუშაობენ ოპერატიული სამსახურები, მიმდინარეობს საგამოძიებო მოქმედებები.
  • "კატასტროფის მიზეზის დასადგენად, ადგილზე მიემგზავრება კომისია", — წერს გუბერნატორი.

რუსეთის თავდაცვის სამინისტროს ინფორმაციით, ბორტზე 74 ადამიანი იმყოფებოდა, მათ შორის — 65 უკრაინელი ტყვე, რომლებიც, მოსკოვის მტკიცებით, უნდა გადაეცვალათ.

რუსმა დეპუტატმა ანდრეი კარტაპალოვმა თქვა, რომ თვითმფრინავი უკრაინელებმა ჩამოაგდეს, თუმცა არც ამ ინფორმაციის წყარო და არც სხვა მტკიცებულება არ წარუდგენია.

  • ვიდეო, სადაც თვითმფრინავის ჩამოვარდნა ჩანს, სოფელ იაბლონოვოდან არის გადაღებული, რომელიც ბელგოროდის ოლქში მდებარეობს.
  • იაბლონოვო უკრანის ქალაქ ხარკოვიდან 174 კმ-ში მდებარეობს, საზღვართან ახლოს.