მოკლედ: პარლამენტის თავმჯდომარე შალვა პაპუაშვილი ევროპის საბჭოს გენერალური მდივნის მოადგილეს, ბიორნ ბერგეს შეხვდა.

დეტალები: პარლამენტის პრესსამსახურის ცნობით,

  • შალვა პაპუაშვილმა მადლიერება გამოხატა ევროპის საბჭოს მრავალწლიანი მხარდაჭერისთვის.
  • ბიორნ ბერგემ ხაზი გაუსვა ევროპის საბჭოსა და საქართველოს შორის ნაყოფიერ თანამშრომლობას.
  • მან დადებითად შეაფასა ევროპის საბჭოს მინისტრთა კომიტეტის საქართველოს თავმჯდომარეობა, რომლის შედეგადაც, დღის წესრიგის პრიორიტეტულ საკითხად განისაზღვრა ადამიანის უფლებები და გარემოს დაცვა.
  • ბიორნ ბერგემ ისაუბრა საქართველოსთვის ევროპის საბჭოს მეოთხე, 2024-2027 წლების სამოქმედო გეგმის დამტკიცებაზე, "რომლის მეშვეობითაც ევროპის საბჭო მაქსიმუმს გააკეთებს საქართველოს ევროპული ინტეგრაციის ხელშესაწყობად."

ბოლო ხაზი: ევროპის საბჭოს გენერალური მდივნის მოადგილემ დაადასტურა საქართველოს სუვერენიტეტისა და ტერიტორიული მთლიანობისადმი ევროპის საბჭოს მტკიცე მხარდაჭერა, — წერია შეხვედრის შესახებ პარლამენტის პრესსამსახურის მიერ გავრცელებულ ცნობაში.