გუშინ ამერიკის სატელევიზიო აკადემიამ ემის ნომინანტები დაასახელა, რომელიც ბევრმა უკვე შერაცხა, როგორც ყველაზე კონკურენტუნარიანი დაჯილდოება ემის ისტორიაში.

გარდა იმისა, რომ დრამატული სერიალის კატეგორიაში დიდი კონკურენციაა, უნდა აღინიშნოს ქალი მსახიობების ნომინაციაც, სადაც ერთმანეთის კონკურენტები ნიკოლ კიდმანი, რიზ უიზერსპუნი, სუზან სარანდონი, ჯესიკა ლენგი და კლერ ფოი იქნებიან.

რაც შეეხება სხვა ნომინაციებს, წლევანდელი წელი გამოირჩევა იმით, რომ არც ერთი ნომინაცია არ მიუღია სერიალს Game of Thrones, ერთი მარტივი მიზეზის გამო - მეშვიდე სეზონი ჯერ არ გამოსულა, მისი პრემიერა 16 ივლისს შედგება.

აღსანიშნავია, რომ HBO ნომინაციების რაოდენობაში წელსაც ლიდერობს, არხმა საერთო ჯამში 41 ნომინაცია მიიღო, მას მოსდევს ნეტფლიქსი 27 ნომინაციით, შემდეგ - FX 26 ნომინაციით და მეოთხე ადგილზეა NBC, რომელმაც წელს 14 ნომინაცია მიიღო.

რაც შეეხებათ შოუებს, წელს ყველაზე ბერვი ნომინაცია FX-ისა და HBO-ს სერიალებმა მიიღეს.

Feud-მა და Veep-მა - 10-10 ნომინაცია მიიღეს. 8-8 ნომინაცია მიიღო HBO-ს ორმა სერიალმა - Big Little Lies და The Night Of.

წლევანდელი წელი წარმატებული აღმოჩნდა ჰულუსთვისაც, რომლის სერიალმაც The Handmaid's Tale ემის 7 ნომინაცია მიიღო, ისევე როგორც HBO-ს Westworld-მა.

ფარგოს მესამე სეზონმა კი წელს სატელევიზიო აკადემიისგან ექვსი ნომინაცია დაიმსახურა.

ხუთ-ხუთი ნომინაციით აღინიშნა შემდეგი შოები - Atlanta (FX), Better Call Saul (AMC), The Crown (Netflix), Saturday Night Live (NBC), Stranger Things (Netflix) და This Is Us (NBC).

რაც შეეხება ნეტფლიქსის House of Cards წელს მან მხოლოდ ოთხი ნომინაცია მიიღო, თუმცა ყველა წამყვან კატეგორიაში დომინირებს.

Emmy-ს 69-ე დაჯილდოება 17 სექტემბერს გაიმართება და მას სტივენ კოლბერტი გაუძღვება.