რა ხდება: პარლამენტში პლენარული სხდომა მიმდინარეობს, რომელიც შალვა პაპუაშვილმა მილოცვით გახსნა.

  • სხდომათა დარბაზში ევროკავშირისა და საქართველოს დროშებია გადმოფენილი. ევროკავშირის დროშები დევს დეპუტატების სამუშაო მაგიდებზეც, თუმცა, როგორც ოპოზიცია ამბობს — არა ყველასთვის.

დეტალები: "ლელოს" დეპუტატი, სალომე სამადაშვილი ამბობს, რომ ოპოზიციას დროშები არ დაახვედრეს.

  • "ამ გოიმმა რუსებმა დღეს დარბაზში მხოლოდ უმრავლესობის ადგილებზე დაგვახვედრეს ევროკავშირის დროშები.
  • ხო, ხალხის ძალასაც დაუდგეს", — წერს სამადაშვილი "ფეისბუქზე".

ბოლო ხაზი: საქართველოს ევროკავშირის კანდიდატი ქვეყნის სტატუსი ბლოკმა გუშინ მიანიჭა.

  • დღეს ხელისუფლება სახალხო ზეიმის გამართვას გეგმავს და მოსახლეობას მოუწოდებს, 17 საათზე თავისუფლების მოედანზე შეიკრიბონ.
  • პრეზიდენტმა განაცხადა, რომ მთავრობის მიერ ორგანიზებულ ზეიმზე მივა.