მოკლედ: განათლების სამინისტროს დაქვემდებარებაში ახალი სსიპი, საგანმანათლებლო კვლევების ეროვნული ცენტრი დაფუძნდა.

  • ამის შესახებ განათლებისა და მეცნიერების მინისტრმა, გიორგი ამილახვარმა განაცხადა კონფერენციაზე, სახელწოდებით – კვლევა განათლების პოლიტიკის მხარდასაჭერად.

რატომ დააფუძნეს ახალი სსიპი: "ცენტრი, განათლების სისტემაში ყველა მნიშვნელოვანი გამოწვევის მიმართულებით აწარმოებს შიდა კვლევებს, რომელსაც ეფუძნება და დაეფუძნება ჩვენ მიერ მიღებული გადაწყვეტილებები", — თქვა მინისტრმა, — "ეს ყველაფერი, პირველ რიგში, ემსახურება საგანმანათლებლო სფეროს გაუმჯობესებას და იმ ადამიანების ინტერესებს, ვინც ჩართულნი არიან განათლების სისტემაში."

დაკავშირებული თემა: ქართველი მოსწავლეების დონე საშუალოზე დაბალია — რა წერია PISA-ს კვლევაში

რა ფუნქცია აქვს: სამინისტროს მიხედვით,

  • ცენტრის საქმიანობა მოიცავს სამეცნიერო და გამოყენებითი კვლევების, ფართომასშტაბიანი შეფასებების წარმართვას განათლების სისტემის ყველა საფეხურზე, დაწყებული სკოლამდელი განათლებით, დამთავრებული უმაღლესი განათლებითა და სამუშაო ძალის მზაობით.
  • ამასთან, საგანმანათლებლო ინსტიტუციებისათვის სისტემურად ორგანიზებული ცოდნის შეთავაზებას არსებულ გამოწვევებზე ეფექტური რეაგირებისა და განათლების სისტემის მოდერნიზაციის მხარდასაჭერად.

ბოლო ხაზი: მეოთხე დღეა, პედაგოგები განათლების სამინისტროს შენობასთან საპროტესტო აქციას მართავენ. ერთ-ერთი მათგანი შიმშილობდა, თუმცა, ისინი ამბობენ, რომ სამინისტრო მათთან კომუნიკაციაზე უარს ამბობს.

გაიგე მეტი: "დირექტორებისგან არალეგალური საარჩევნო შტაბის შექმნა სურთ" — პროტესტი სამინისტროსთან