აფხაზეთის კონფლიქტისას დაკარგულად მიჩნეული 23 პირის ნეშტი ოჯახებს გადაეცა — წითელი ჯვარი
![](http://ross.on.ge/2023/12/06/Photographer_Nita_Todria_ICRCcopyright_657040657477f.jpg)
ფოტო: ICRC
მოკლედ: დღეს, 6 დეკემბერს, უგზო-უკვლოდ დაკარგული 23 პირის ამოცნობილი ნეშტი ოჯახებს გადაეცა, წითელი ჯვრის საერთაშორისო კომიტეტის (ICRC) დახმარებით.
- ისინი უგზო-უკვლოდ დაკარგულად მიიჩნეოდნენ 1992-93 წლების შეიარაღებული კონფლიქტის შემდეგ.
დეტალები: ორგანიზაციის მიხედვით,
- ლევან სამხარაულის სახელობის სასამართლო-სამედიცინო ექსპერტიზის ეროვნულ ბიუროში გამართულ შეხვედრაზე, ოჯახებს საშუალება ჰქონდათ, დაესვათ შეკითხვები და მიეღოთ ინფორმაცია მათი ახლობლების მოძიების, ექსჰუმაციისა და ამოცნობის პროცესის შესახებ.
- შეხვედრას ესწრებოდნენ სახელმწიფო მინისტრი შერიგებისა და სამოქალაქო თანასწორობის საკითხებში თეა ახვლედიანი, სასამართლო-სამედიცინო ექსპერტიზის ეროვნულ ბიუროს წარმომადგენლები და ICRC-ის ექსპერტები.
ან მონტავონი, ICRC-ის დელეგაციის ხელმძღვანელი საქართველოში: "დღეს, გაურკვევლობის ათწლეულების შემდეგ, ოჯახებს გადაეცათ ახლობელი ადამიანების ნეშტები. ეს ამ ოჯახებისთვის განსაკუთრებული დღეა. ჩვენ, ასევე, ვფიქრობთ იმ ოჯახებზე, რომელთა ახლობლები კვლავ უგზო-უკვლოდ დაკარგულები არიან და იტანჯებიან გაურკვევლობით, მათი ხვედრის არცოდნის გამო. ამ ადამიანების ეფექტური მხარდაჭერისათვის აუცილებელია მჭიდრო თანამშრომლობა ინსტიტუციებსა და სამოქალაქო საზოგადოებას შორის."
ბოლო ხაზი: 2023 წელს 55-ზე მეტი ადამიანის ნეშტი ამოიცნეს და გადასცეს ოჯახებს.
- ეს შესაძლებელი გახდა ICRC-ის მხარდაჭერითა და აფხაზი და ქართველი მონაწილეების ჩართულობით მომუშავე ჰუმანიტარული საკოორდინაციო მექანიზმის ფარგლებში.
- ნეშტები აფხაზეთში სხვადასხვა ლოკაციაზე მოიძიეს.
- 2010 წელს საკოორდინაციო მექანიზმის შექმნის შემდეგ, სულ მოძიებულია და ოჯახებს გადაეცა 273 ადამიანის ნეშტი.
- დღეისათვის, 1870 სამხედრო და სამოქალაქო პირი ჯერ ისევ ითვლება დაკარგულად.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები