მოკლედ: სპეციალურმა საგამოძიებო სამსახურმა, ცოლის მიმართ ძალადობის ფაქტზე, შსს-ს დაცვის პოლიციის დეპარტამენტის აჭარის სამმართველოს ინსპექტორი დააკავა.

დეტალები: გამოძიებით დადგინდა, 2023 წლის 4 დეკემბერს, ბათუმში, აბაშიძის ქუჩაზე გაჩერებულ ავტომობილში, ეჭვიანობის ნიადაგზე წარმოქმნილი კონფლიქტისას ფიზიკურად იძალადა ცოლზე და მას სხეულის სხვადასხვა არეში დაზიანებები მიაყენა.

  • საგამოძიებო სამსახურს მომხდარის შესახებ ინფორმაცია დაზარალებულმა მიაწოდა.
  • სამართალდამცავი ოჯახში ძალადობისთვის დააკავეს.
  • დანაშაული 2 წლამდე თავისუფლების აღკვეთას ითვალისწინებს.
  • დაკავებულ სამართალდამცველს ბრალდება 48 საათში წარედგინება.