ცოტა ხნის წინ ცნობილი გახდა, რომ House of the Dragon-ის მე-2 სეზონის პრემიერას მაყურებელი 2024 წლის ზაფხულის დასაწყისში ნახავდა. ახლახან კი HBO-მ სერიალის მე-2 სეზონის ტრეილერი გამოუშვა, რომელიც დაუნდობელი ბრძოლისთვის გვამზადებს.

"ღმერთებისთვის იმაზე საძულველი ომი არ არსებობს, როგორიც ნათესავებს შორის ომია. და არცერთი ომი არ არის ისეთი სისხლიანი, როგორიც დრაკონებს შორის ომია", — ისმის ტრეილერში და ცხადია, რომ ახალ სეზონში დაპირისპირებულ დრაკონებსაც ვიხილავთ. როგორც ტრეილერიდან ჩანს, House of the Dragon-ის მე-2 სეზონს არც ინტრიგები აკლია და სამეფო კარის თამაშების გულშემატკივრები რკინის ტახტის მოსაპოვებლად კიდევ ერთ დიდ ბრძოლას იხილავენ.

House of the Dragon, რომელიც სამეფო კარის თამაშების სამყაროზე გადაღებული სერიალია, პოპულარული გამოსვლისთანავე გახდა. სერიალში მიმდინარე მოვლენები სამეფო კარის თამაშებში ასახულ ისტორიამდე 200 წლით ადრე მოხდა. ამ დამაინტრიგებელ სატელევიზიო შოუს ჯ.რ.რ. მარტინის წიგნების სერიის Fire And Blood-ის მიხედვით იღებენ.

ფოტო: HBO

House of the Dragon რამდენიმე ახალ მსახიობთან ერთად დაგვიბრუნდება. სერიალის მე-2 სეზონში ტომ ტეილორი, კლინტონ ლიბერტი, ჯეიმი კენა და ვინსენტ რეგანი ითამაშებენ. მე-2 სეზონში სერიალის მსახიობების ძირითადი ნაწილი კი უცვლელი რჩება. House of the Dragon-ის მე-2 სეზონში მეთ სმიტს, ოლივია ქუქს, ემა დარსის, ევა ბესტს, სტივ ტუსენს, იუენ მიტჩელს და სხვა პერსონაჟების შემსრულებელ მსახიობებს ისევ ვიხილავთ.

ჯერჯერობით ოფიციალურად არ დასტურდება, სულ რამდენი სეზონი ექნება House of the Dragon-ს. თუმცა აღსანიშნავია, რომ ჯორჯ მარტინის თქმით, House of the Dragon-ს ტარგარიენების სამოქალაქო ომის მოსაყოლად 40 ეპიზოდი მაინც სჭირდება.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…