დეტალები: პარლამენტმა დავით სერგეენკოსთვის უფლებამოსილების ვადამდე შეწყვეტის შესახებ გადაწყვეტილება 78 ხმით, 2-ის წინააღმდეგ მიიღო.

  • პარლამენტის თავმჯდომარემ, შალვა პაპუაშვილმა მას მადლობა გადაუხადა გაწეული საქმიანობისთვის და წარმატება უსურვა.

რა ხდება: დავით სერგეენკომ სადეპუტატო უფლებამოსილების ვადამდე შეწყვეტის თაობაზე პარლამენტის თავმჯდომარეს 27 ოქტომბერს, განცხადებით მიმართა.

  • ინფორმაცია სერგეენკოს პოლიტიკიდან წასვლის შესახებ, თავდაპირველად, 2023 წლის მარტში, მას შემდეგ გავრცელდა, რაც ცნობილი გახდა, რომ ის იყო ერთ-ერთი დეპუტატი ქართული ოცნებიდან, ვინც რუსული კანონის კენჭისყრაში მონაწილეობა არ მიიღო.
  • ამ დროისთვის, უცნობია, დეპუტატობასთან ერთად, დატოვებს თუ არა ის მმართველ პარტიას.