თუ გასულ კვირას სიახლეებს თვალს აქტიურად ვერ ადევნებდი, ალბათ, მნიშვნელოვანი ამბები გამოგრჩა. სწორედ ამიტომ, ამ სტატიაში წინა კვირიდან 10 მნიშვნელოვანი ამბის შესახებ გიამბობთ:

1. მეთიუ პერი დაკრძალეს

სიტკომ Friends-ის მსახიობი და ჩენდლერის როლის შემსრულებელი მეთიუ პერი 28 ოქტომბერს 54 წლის ასაკში გარდაიცვალა. მსახიობი პარასკევს, 3 ნოემბერს, ლოს-ანჯელესში Forest Lawn-ის სასაფლაოზე დაკრძალეს. დახურულ ცერემონიას მისი ოჯახი და Friends-ის მსახიობები ესწრებოდნენ.

უფრო ვრცლად წაიკითხე აქ.

2. ამერიკული მედიის ცნობით, ზოი კრავიცი და ჩენინგ ტატუმი დაინიშნნენ

ჩენინგ ტატუმი და ზოი კრავიცი კენდალ ჯენერის ჰელოუინის წვეულებას დაესწრნენ, პაპარაცებმა კი შენიშნეს, რომ ზოის ნიშნობის ბეჭედი ეკეთა. ამის შემდეგ არაერთმა მედიამ დაადასტურა, რომ წყვილი მართლაც დაინიშნა.

უფრო ვრცლად წაიკითხე აქ.

3. მეთიუ პერის სახელობის ფონდი დაარსდა, რომელიც ადიქციასთან მებრძოლებს დაეხმარება

მეთიუ პერის სიკვდილის შემდეგ მსახიობის სახელობის ფონდი შეიქმნა, რომელიც ადამიანებს ადიქციასთან ბრძოლაში დაეხმარება. ფონდს საქველმოქმედო ორგანიზაცია National Philanthropic Trust აფინანსებს, მეთიუ პერის ფონდმა შემოწირულებების მიღება უკვე დაიწყო.

უფრო ვრცლად წაიკითხე აქ.

4. ცნობილი გახდა, რომ Prison Break-ის სამყაროზე ახალ სერიალს გადაიღებენ

Hulu ახალ სერიალზე იწყებს მუშაობას, რომელიც Prison Break-ის სამყაროს შესახებ იქნება. როგორც ახალი სერიალის შემქმნელი და რეჟისორი ელგინ ჯეიმსი აცხადებს, შოუში Prison Break-ის პერსონაჟებს ვერ ვიხილავთ, თუმცა მოქმედება იგივე სამყაროში ვითარდება, რომელშიც ჩვენთვის უკვე კარგად ნაცნობი გმირები ცხოვრობენ.

უფრო ვრცლად წაიკითხე აქ.

5. ტეილორ სვიფტმა Spotify-ზე საკუთარი რეკორდი მოხსნა

ტეილორ სვიფტმა Spotify-ზე კიდევ ერთი რეკორდი დაამყარა, თან მომღერალმა საკუთარ თავს აჯობა! ტეილორის ალბომი 1989 (Taylor's Version) 27 ოქტომბრის დილას გამოვიდა და Spotify-ზე რეკორდი მაშინვე მოხსნა. ალბომმა 1989 (Taylor’s Version) ერთ დღეში მოსმენების რაოდენობით რეკორდი დაამყარა.

უფრო ვრცლად წაიკითხე აქ.

6. მერაია ქერის 30 წლის წინანდელი All I Want for Christmas is You-ის გამო უჩივლეს

მერაია ქერის კომპოზიტორი ენდი სტოუნი "საავტორო უფლებების დარღვევისა და უსამართლოდ გამდიდრების" ბრალდებით უჩივის. ენდი სტოუნის განცხადებით, მერაია ქერის ჰიტამდე ხუთი წლით ადრე სიმღერა იდენტური სათაურით მას უკვე გამოშვებული ჰქონდა.

უფრო ვრცლად წაიკითხე აქ.

7. აშშ-ში ჟირაფ ჟოზეს სიმღერის პრემიერა შედგა

პატარების მეგობარი ჟირაფი ჟოზე უკვე ამერიკასაც იპყრობს. როგორც ჟირაფი ჟოზეს ფეისბუქის გვერდიდან გავიგეთ, პერსონაჟი ამერიკელი ბავშვებისთვისაც იმღერებს და მისი პირველი სიმღერის პრემიერაც შედგა.

უფრო ვრცლად წაიკითხე აქ.

8. ეიფორიის მე-3 სეზონის გამოსვლის თარიღი ცნობილი გახდა

ცნობილი სერიალი ეიფორია მე-3 სეზონით ბრუნდება. HBO-მ ახალ ვიდეოში ის სერიალები გაგვიმხილა, რომელთაც 2025 წელს ვიხილავთ, მათ შორის, The Last of Us, The White Lotus და ეიფორიაცაა.

უფრო ვრცლად წაიკითხე აქ.

9. მერაია ქერიმ ცნობილი მიმი გააცოცხლა და საშობაო სეზონი გახსნა

მერაია ქერიმ ტრადიციას არც წელს უღალატა და 1-ელ ნოემბერს სადღესასწაულო სეზონი გახსნა. მუსიკოსმა 2021 წელს ჰელოუინის გოგრები ბეისბოლის ჯოხით დაამტვრია, შარშან — ჯადოქრიდან სანტად გადაიქცა, წელს კი გადაწყვიტა, ცნობილი მიმი გაეცოცხლებინა.

უფრო ვრცლად წაიკითხე აქ.

10. ანგუს კლაუდის ბოლო ფილმის, Your Lucky Day-ის, ტრეილერი გამოვიდა

ეიფორიის ამომავალი ვარსკვლავი, ანგუს კლაუდი, რომელიც სერიალში ფეზკოს როლს თამაშობდა, 2023 წლის 31 ივლისს 25 წლის ასაკში გარდაიცვალა. მან კარიერის ერთ-ერთი ბოლო როლი თრილერის ჟანრის ფილმში Your Lucky Day ითამაშა, რომლიდან ნაწყვეტიც სულ ცოტა ხნის წინ გავრცელდა. ფილმი მთავრდება წარწერით "ანგუსისთვის".

უფრო ვრცლად წაიკითხე აქ.