ცნობილი სერიალი ეიფორია მე-3 სეზონით ბრუნდება. HBO-მ ახალ ვიდეოში ის სერიალები გაგვიმხილა, რომელთაც 2025 წელს ვიხილავთ, მათ შორის, The Last of Us, The White Lotus და ეიფორიაცაა. შოუს გამოსვლის ზუსტი თარიღი ჯერჯერობით უცნობია.

სერიალის მე-3 სეზონზე ბევრი არაფერია ცნობილია, რეჟისორმა, სემ ლევინსონმა თქვა, რომ შოუ უფრო პესიმისტური კუთხით იქნება გადაღებული და კვლავაც მთავარი პერსონაჟის, რუს თვალებით დანახულ სამყაროს გვიჩვენებს. მის როლს ცნობილი მსახიობი ზენდეია ირგებს.

Euphoria-ის მე-3 სეზონის გადაღებები 2023 წლის ზაფხულში უნდა დაწყებულიყო, თუმცა აშშ-ში სცენარისტთა გაფიცვის გამო თარიღმა გადაიწია. Euphoria-ის მე-2 სეზონი 2022 წლის თებერვალში დასრულდა, ზენდეიამ კი მთავარი როლის შესრულებისთვის 2 ემი მოიპოვა.

ახალ სეზონში რამდენიმე მსახიობს აღარ ვიხილავთ. 2022 წლის აგვისტოში მსახიობმა, ბარბი ფერეირა, რომელიც კეტის პერსონაჟს განასახიერებდა, შოუ დატოვა. 2023 წლის აგვისტოში კი ფესკოს როლის შემსრულებელი მასხიობი ანგუს კლაუდი გარდაიცვალა.

ივნისის დასაწყისში Euphoria-ს შემქმნელმა, სემ ლევინსონმა, The Weeknd-თან ერთად სერიალი The Idol გამოუშვა.