რა ხდება? პარლამენტმა, პლენარულ სხდომაზე, საზოგადოებრივი მაუწყებლის სამეურვეო საბჭოს ორი ახალი წევრი აირჩია — გიორგი კოხრეიძე და თამილა დოლიძე აირჩია.

  • ორივე კანდიდატურას 83-მა პარლამენტის წევრმა დაუჭირა მხარი.
  • საქართველოს პარლამენტში კანდიდატურები წარდგენილი იყვნენ აჭარის ავტონომიური რესპუბლიკის უმაღლესი საბჭოს მიერ.

რა ვიცით კოხრეიძეზე: ის აჭარის საზოგადოებრივი ტელევიზიის დირექტორი გახდა 2019 წელს, მას შემდეგ, რაც წინა დირექტორი, ნათია კაპანაძე იმპიჩმენტით გაათავისუფლეს.

  • კოხრეიძის დირექტორობისას, 2020 წელს, აშშ-ის სახდეპმა ანგარიშში დაწერა, რომ "სამოქალაქო ჯგუფების განცხადებით, აჭარის ტელევიზიის დირექტორის, ნათია კაპანაძის გათავისუფლების შემდეგ, მმართველი პარტია "აჭარის საზოგადოებრივ მაუწყებელზე" გადაჭარბებული გავლენის მოპოვების მცდელობას აგრძელებდა".
  • 2021 წელს, Human Rights Watch-ის ანგარიშში ტელევიზიაში კოხრეიძის მისვლის შემდეგი პროცესები კრიტიკულად შეაფასეს.
  • გიორგი კოხრეიძემ არაერთი თანამშრომელი გაათავისუფლა ანდა ხელშეკრულება შეუცვალა.
  • ორგანიზაცია — "საერთაშორისო გამჭვირვალობა - საქართველო" აცხადებდა, რომ კოხრეიძის საკადრო გადაწყვეტილებები მიმართული იყო არხზე მომუშავე კრიტიკულად განწყობილი ჟურნალისტების სამსახურიდან გაშვებისა და შევიწროებისკენ.
  • ტელევიზიიდან გათავისუფლებულმა, ისევე, როგორც სხვა პოზიციაზე გადაყვანილმა თანამშრომლებმა, აჭარის საზოგადოებრივი მაუწყებლის წინააღმდეგ სამართლებრივი დავა დაიწყეს.