1994 წლის 6 ივლისს სამყარომ თავისი ახალი გმირი გაიცნო - ფორესტ გამპი.

რობერტ ზემეკისის ფილმმა ექვსი ოსკარი მოიპოვა მათ შირის საუკეთესო ფილმის, საუკეთესო რეჟისორისა და საუკეთესო მსახიობი კაცის ნომინაციაში.

"ცხოვრება შოკოლადის ყუთს ჰგავს, არასდროს იცი რა შეგხვდება”. ფორესტ გამპის ცხოვრებაც ასეთია, ცოტას თუ შეუძლია საკუთარი ცხოვრების რადიკალურად შეცვლა, თანაც რამდენჯერმე. ყველაფერს გამბედაობა სჭირდება, ნასაში მუშაობას, შემდეგ კიბორჩხალებiს ბიზნესით ფულის შოვნას კი - ნიჭი. თანაც, თუ მანამდე ვიეტნამის ომში ბრძოლაც მოასწარი.

მიუხედავად იმისა, რომ მისი IQ-ს მაჩვენებელი 75-ა და არც ბავშვობაში ყოფილა ჭკვიანი, ამას ხელი არ შეუშლია ქვეყნის სუპერ გმირად ქცეულიყო. სწორედ მისი ცხოვრებისადმი დამოკიდებულება აქცევს მას ყველა დროის ერთ-ერთ ყველაზე შთამაგონებელ პერსონაჟად.

ფორესტს სამი მნიშვნელოვანი თვისება აქვს: პატიოსნება, გულწრფელობა და თანაგრძნობა, სწორედ ეს გამოარჩევდა სხვებისგან. ჭეშმარიტი მეგობრობა და ერთგულება კი არმიაში ყოფნის დროს რისკზე წასვლისკენ და მეგობრების გადარჩენისკენ უბიძგებს. ამ თვისების კომბინაციას თავისუფლად შეუძლია ადამიანს წარმატება მოუტანოს.

ის არის სიმბოლო იმისა, თუ როგორ ვაგვარებთ პრობლემებს, რომლებიც ცხოვრებაში გვხვდება და იმის თუ როგორ მოვაგვარებდით მათ, თუ სამყარო ჩვენს მხარეს იქნებოდა.

ფორესტი ყოველთვის გარბის, უფრო სწორად კი უქმნიან ისეთ პირობებს რომ გაიქცეს, ამის ფონზე კი ყველაფრის ნულიდან დაწყება უწევს. არის თუ არა გაქცევა პრობლემების გადაჭრის მეთოდი? მსოფლიოს მასშტაბით სირბილი, ფორესტს დაეხმარა გათავისუფლებულიყო ყველა იმ დარდისგან რაც გააჩნდა. მისთვის გაქცევა დაბრკოლებების გადალახვის ყველაზე სწორი გზა აღმოჩნდა.

"რაც მოხდა, მოხდა. მთავარია, მოსაწყენი ცხოვრებით არ მიცხოვრია", ამბობს ფორესტი. მას არასდროს ეშინოდა, გადაედგა ის ნაბიჯი, რაც ცხოვრებას უკეთესს გახდიდა, იცოდა რა იყო მისთვის უკეთესი. ფორესტი გარბის, სხვებმა კი მის უკან დაიწყეს სირბილი.

ფორესტ გამპი არის ისეთი, როგორიც ალბათ ყველას გვინდა რომ ვიყოთ. მასში ყველა ის თვისებაა თავმოყრილი, რაც გვჭირდება, რომ უკეთესები გავხდეთ. ეს არის მაგალითი იმისა, თუ როგორ შეგვიძლია ნებისმიერი დაბრკოლება გადავლახოთ და ცხოვრების ყველა ეტაპზე შევძლოთ ახალი ფურცლის გადაშლა.

მოდით, ვნახოთ როგორ გამოიყურებიან ფილმის მსახიობები დღეს, ფილმის გამოსვლიდან 23 წლის შემდეგ.

ტომ ჰენკსი - ფორესტ გამპი

სალი ფილდი - მისის გამპი

რობინ რაითი - ჯენი

გარი სინისი - ლეიტენანტი დენ ტეილორი

მიკელტი უილიამსონი - ბაბა

მაიკლ კონერი და ჰაბა ჰოლი - ფორესტისა და ჯენის ბავშვობა

ჰეილი ჯოელ ოსმენტი - ფორესტის შვილი