რუსეთის საგარეო საქმეთა სამინისტრომ გაავრცელა განცხადება, სადაც საუბარია საქართველოს პრემიერის წარმომადგენლის რუსეთთან ურთიერთობის საკითხებში, ზურაბ აბაშიძისა და რუსეთის საგარეო საქმეთა მინისტრის მოადგილის, გრიგორი კარასინის შეხვედრაზე. აღნიშნული შეხვედრა პრაღაში 7 ივლისსაა დაგეგმილი.

რუსეთის საგარეო უწყების თქმით, შეხვედრაზე დაგეგმილია საკითხების განხილვა, რომელიც უკავშირდება რუსეთ-საქართველოს შორის ეკონომიკურ, სატრანსპორტო და ჰუმანიტარულ თანამშრომლობას. რუსეთი სამწუხაროს უწოდებს ქართული მხარის ბრალდებებს შიდა ქართლში, ცენტრალურ მაგისტრალთან ახლოს, საოკუპაციო ზოლის აღმნიშვნელი ბანერის აღმართვის შესახებ:

"სამწუხაროდ, როგორც ხშირად ხდება, პრაღის შეხვედრამდე საკითხი გადაიფარა პროვოკაციით. მსგავსი ცრუ ბრალდებები არის ფაბრიკაცია და ასეთ შემთხვევებში ხშირად მეორდება. თბილისი კიდევ ერთხელ ამტკიცებს, რომ სამხრეთ ოსეთი საქართველოს ტერიტორიაზე ამაგრებს თავისი საზღვრის აღმნიშვნელ ბანერებს".

რუსეთის საგარეო უწყება საქართველოს ბრალდებებს აბსურდულად მიიჩნევს და ამბობს, რომ ეს აზიანებს რუსეთ-საქართველოს ურთიერთობების ნორმალიზებას.

რამდენიმე დღის წინ გორში, სოფელ ბერშუეთში, დე-ფაქტო სამხრეთ ოსეთის საზღვრის აღმნიშვნელი ბანერები გაჩნდა.