მეზობლებისგან ზეწოლის გამო, ვეგანური კაფე Kiwi სხვა ადგილას გადადის
![კაფე Kiwi](http://chandler.on.ge/2016/05/30/kiwi_574be4fe52a4d.jpg)
ფოტო: კაფე Kiwi
ვეგანური კაფე Kiwi სხვა ადგილას გადადის. ამის შესახებ ინფორმაცია On.ge-ის კაფის წარმომადგენელმა მიაწოდა და განგვიმარტა, რომ გადასვლის მიზეზი მათ მიმართ მეზობლებისა და იმ ფართის მფლობელის უკმაყოფილებაა, რომელშიც ამ ეტაპზე Kiwi-ია განთავსებული:
"მფლობელის შვილმა ასე გვითხრა, ვეგეტარიანული კაფე გამიგია, მაგრამ საქართველო არის ტრადიციული ქვეყანა და კაცს, რომელსაც ყვავილებიანი შარვალი აცვია, ვერასდროს მივიღებთო".
კივის ადმინისტრაციის თანამშრომელმა ლაშამ გვიამბო, რომ ფართის მფლობელმა უკმაყოფილება კაფეს ადმინისტრაციისა და იმ ადამიანების მიმართ, რომლებიც იქ დადიან, მას შემდეგ გამოხატა, რაც ამის თაობაზე მეზობლებისგან პრეტენზიები მოისმინა. გარდა ამისა, ლაშას თქმით, პრობლემას ისიც წარმოადგენს, რომ კივის მაგიდები ქუჩაში არის გამოტანილი:
"შიგნით თუ იქნებითო, პრობლემა არ არისო. არ მოსწონთ, რომ გარეთ არიან ადამიანები პირსინგით და ყვავილებიანი შარვლით. გვაქვს ორი ძალიან საინტერესო აუდიოჩანაწერი, მაგრამ ახლა ვერ გავავრცელებთ, რადგან პრობლემები შეგვექმნება და როგორც კი გადავალთ, აუცილებლად გავავრცელებთ. ჩვენც ვიფიქრეთ, რომ უკეთესი იქნება, თუ გადავალთ".
29 მაისს კივიში რამდენიმე პირი შეიჭრა და იქ მყოფებს შეურაცხყოფა მიაყენა. აღნიშნულში კივის თანამშრომლები ულტრანაციონალისტურ დაჯგუფება ქართულ ძალას ადანაშაულებენ, თუმცა დაჯგუფების წევრმა ნიკოლოზ ბურნაძემ On.ge-სთან საუბარში განაცხადა, რომ კივისთან არანაირი კავშირი არ აქვთ და გაერთიანებას არც რაიმე იდეოლოგიური პროტესტი გააჩნია ვეგანების მიმართ.
თვითმხილველთა ნაწილი აცხადებს, რომ შეჭრის მიზეზი სწორედ ვეგანების მიმართ უკმაყოფილება გახდა. თვითმხილველთა მეორე ნაწილი კი განმარტავს, რომ რეალურად კაფეში შეჭრის მიზეზი იყო ის, რომ მათ ადამიანებს, რომლებიც იქ მუშაობდენ და დადიან აცვიათ ფერადი შარვლები, აქვთ პირსინგები, კაფეში დადიან ლგბტ თემის წევრები და სხვ.
- Moby: ვულოცავთ Kiwi კაფეს ვეგანიზმისა და ადამიანის უფლებების პოპულარიზაციას
- ულტრანაციონალისტური ქართული ძალა: ვეგანებს არ ვერჩით
- არა ფობიას: Kiwi-ში მომხდარ ინციდენტში სიძულვილით მოტივირებული დანაშაულის ნიშნები იკვეთება
- ვეგანურ კაფეზე თავდასხმა მსოფლიო პრესის ყურადღების ქვეშ მოექცა
- ვეგანურ კაფეში შეჭრის ფაქტზე გამოძიება ჯერ არ დაწყებულა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები