რატომ არის მნიშვნელოვანი: თეა წულუკიანის გადაწყვეტილებით, 4 სექტემბრიდან მწერალთა სახლს ქეთევან დუმბაძე ხელმძღვანელობს.

  • ის ამჟამად ქართული ოცნების დეპუტატია და ერთ-ერთია მათ შორის, ვინც რუსული კანონის სასარგებლოდ მისცა ხმა.
  • 3 აგვისტოს მწერალთა სახლის ყოფილი ხელმძღვანელი ნატა ლომოური წერდა, რომ სამინისტროდან აცნობეს 5 დღეში უფლებამოსილების ვადის ამოწურვის შესახებ. მისივე თქმით, კულტურის მინისტრს წერილით აცნობა, რომ დაინტერესებული იყო ვადის გაგრძელებით.
  • დუმბაძის დანიშნვნა როგორც კულტურის სხვადასხვა სფეროს, მათ შორის, კინემატოგრაფთა პროტესტი მოჰყვა.

დეტალები: გამომცემლების [სულაკაურის გამომცემლობა, ინტელექტი, პალიტრა L, არტანუჯი] განცხადებით, ისინი ფრანკფურტის წიგნის ფესტივალზე თავიანთი სახსრებით წარდგებიან.

  • ამის შესახებ ინფორმაციას გამომცემელთა საერთაშორისო ასოციაციის ვიცე-პრეზიდენტი, გვანცა ჯობავა სოციალურ ქსელში ავრცელებს.
  • ის წერს, რომ მნიშვნელოვანია, ქართველი გამომცემლები და მწერლები უწყვეტად წარადგენდნენ ქართულ ლიტერატურას ამ საერთაშორისო ფორუმზე.
  • "ჩვენთვის უძვირფასესია ის მრავალწლიანი პროფესიული ურთიერთობა, რომელიც გვაკავშირებს ფრანკფურტის წიგნის ბაზრობასთან", — აღნიშნულია განცხადებაში.
  • როგორც გვანცა ჯობავა წერს, წიგნის ბაზრობაზე ქართველი გამომცემლების სტენდი ღია იქნება ყველა ქართველი გამომცემლისთვის, მიუხედავად იმისა, იზიარებენ თუ არა ისინი მათი ბოიკოტის პირობებს.
  • "აღნიშნული გადაწყვეტილებით გვსურს ხაზი გავუსვათ იმას, რომ, მიუხედავად შესაძლო აზრთა სხვადასხვაობისა, ჩვენ ვინარჩუნებთ სექტორის ერთიანობას".