რატომ არის მნიშნველოვანი: 14 სექტემბერს აშშ-ის სახელმწიფო დეპარტამენტმა ყოფილი გენერალური პროკურორი, ოთარ ფარცხალაძე დაასანქცირა და განაცხადა, რომ FSB მას "ქართულ საზოგადოებასა და პოლიტიკაზე რუსეთის საკეთილდღეო გავლენის მოხდენისთვის" იყენებდა.

  • 18 სექტემბერს ეროვნულმა ბანკმა საერთაშორისო ფინანსური სანქციების აღსრულების მექანიზმის გათვალისწინებით ფარცხალაძეს საბანკო ანგარიშებზე წვდომა შეეზღუდა,
  • თუმცა მას შემდეგ, რაც ქართული ოცნების თავმჯდომარემ ამას არაკონსტიტუციური უწოდა, ეროვნულმა ბანკმა გადაიფიქრა.
  • სებ-ის პრეზიდენტის მოვალეობის შემსრულებელმა, ნათია თურნავამ გამოსცა ბრძანება სანქციათა შესრულების წესში ცვლილების შეტანაზე, რაც საქართველოს მოქალაქისთვის გამონაკლისის დაშვებას გულისხმობს.
  • ბრძანების თანახმად, საქართველოს მოქალაქეებზე სანქციათა რეჟიმი ამოქმედდება იმ შემთხვევაში, თუ მათ მიმართ საქართველოს სასამართლოს გამოტანილი ექნება გამამტყუნებელი განაჩენი.
  • თურნავა ამტკიცებს, თითქოს კონკრეტულად ფარცხალაძეს კი არა, ამ შემთხვევაში, მისი, როგორც საქართველოს მოქალაქის ინტერესებს იცავენ.

რაც შეეხება ფარცხალაძის მოქალაქეობას, გუშინ, 19 სექტემბერს ამ თემაზე ჰკითხეს ირაკლი კობახიძემს, რომელიც ამტკიცებდა, თითქოს მედიიდან გაიგო, რომ ფარცხალაძე რუსეთის მოქალაქეა.

  • გუშინვე პრეზიდენტმა დაპოსტა, რომ ფარცხალაძის მოქალაქეობის საკითხზე მასთან არანაირი დოკუმენტი არ გადაგზავნილა.
  • "პრეზიდენტი იუსტიციის სამინისტროდან ელოდება ოთარ ფარცხალაძისთვის საქართველოს მოქალაქეობის შეწყვეტაზე დასკვნას, რომელსაც დაუყოვნებლივ დააკმაყოფილებს", — განაცხადა მან მეორე პოსტში.
  • იუსტიციის სამინისტრომ კი მხოლოდ დღეს განაცხადა, რომ ახელმწიფო სერვისების განვითარების სააგენტოში დაწყებულია წარმოება ფარცხალაძის საქართველოს მოქალაქეობის დაკარგვასთან დაკავშირებით.
  • მათივე თქმით, შესაბამისი პროცედურების დასრულების შემდგომ სააგენტოს დასკვნა საქართველოს მოქალაქეობის შეწყვეტის თაობაზე უმოკლეს ვადაში გადაეგზავნება საქართველოს პრეზიდენტს.