ბერძნული მითოლოგიისა და პერსი ჯექსონის წიგნებზე გაზრდილი მაყურებლებისთვის 2023 წელი განსაკუთრებულად სრულდება: როგორც იქნა, ოლიმპოს ღმერთების სამყაროზე ახალი სერიალი გამოდის! პოსეიდონის შვილი პერსი ჯექსონი მეგობრებთან, ანაბეთთან და გროუვერთან ერთად, ზევსის მოპარული მეხის საძებნელად დიდ მოგზაურობაში მიემართება.

ფოტო: Disney

ფოტო: Disney

8 ეპიზოდისგან შემდგარ სერიალში პერსის როლს უოკერ სკობელი თამაშობს, ანაბეთის როლს — ლეა ჯეფრისი, გროუვერს კი არიან სიმჰადრი განასახიერებს. აღსანიშნავია, რომ საპილოტე ეპიზოდის ერთ-ერთი სცენარისტი თავად წიგნების ავტორი რიკ რიორდანია.

ფოტო: Disney

პერსი ჯექსონის წიგნებზე 2010 და 2013 წლებში ორი ფილმი გამოვიდა, რომელშიც მთავარ გმირს ლოგან ლერმანი განასახიერებს. ლოგანისა და მისი შესრულებული როლის სიყვარულის მიუხედავად, წიგნის ფანების დიდი ნაწილი ეკრანიზაციებით უკმაყოფილო დარჩა. ახლა კი სერიალს ყველა სულმოუთქმელად ელის.

პერსი ჯექსონი და ოლიმპოელების პირველი ორი ეპიზოდი 20 დეკემბერს გამოვა. მანამდე კი ტრეილერით ისიამოვნე:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…