მალე მაყურებელი უეს ანდერსონის ახალ ფილმს, სახელად The Wonderful Story of Henry Sugar-ს, იხილავს. ფილმი როალდ დალის ნაწარმოებს ეფუძნება და მთავარ როლს ბენედიქტ კამბერბეჩი ასრულებს. ახლახან კი ფილმის ოფიციალური ტრეილერი გამოვიდა.

The Wonderful Story of Henry Sugar 41 წლის მარტოხელა და მდიდარი კაცის ცხოვრების შესახებ მოგვითხრობს. ჰენრი შუგარს მოპარული მაგიური წიგნის საშუალებით მომავლის წინასწარმეტყველება შეუძლია, რაც მის ცხოვრებას რადიკალურად ცვლის. ფილმის ხანგრძლივობა 37 წუთია, თუმცა კრიტიკოსები და მაყურებლები უკვე დიდი ინტერესით ელიან.

უკვე ცნობილია ფილმში მონაწილე მსახიობების სიაც. ბენედიქტ კამბერბეჩთან ერთად, უეს ანდერსონის ახალ ფილმში ბენ კინგსლს, რაფ ფაინსს, დევ პატელს და რიჩარდ აიოეიდს ვიხილავთ. ასე რომ, მაყურებელს წინ საინტერესო თავგადასავალი ელის.

The Wonderful Story of Henry Sugar-ის პრემიერა ნეტფლიქსზე 27 სექტემბერს შედგება.

ასევე იხილეთ:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...