სერიალ დინასტიას ვარსკვლავმა, 84 წლის ჯოან კოლინზმა რამდენიმე დღის წინ ერთ-ერთ ინტერვიუში თქვა, რომ ხშირად, როლებს მის მაგივრად სხვა მსახიობებს აძლევენ, ის კი გაქურდული რჩება.

"კინოში ძალიან მცირე რაოდენობით არის ხანშიშესული პერსონაჟები, აქედანაც ყველა როლი ჯუდი დენჩს, მეგი სმიტს, ჰელენ მირენს, მერილ სტრიპს ან სიუზან სარანდონს აქვთ გადანაწილებული. სულ თითზე ჩამოსათვლელი ქალები არიან და სანამ როლი ჩემამდე მოვა ისინი მქურდავენ და მათთან მიდის როლი", ხუმრობს ჯოან კოლინზი.

მსახიობმა ასევე ეიჯიზმზეც ისაუბრა და თქვა, რომ კინოსტუდიები მხოლოდ ფულის კეთებაზე არიან გადასულები.

"დღეს დიდ ბიუჯეტიანი ფილმები დიდ ბიზნესთან ასოცირდება და მათი მთავარი მოტივაცია ფულის გაკეთებაა, ეს არის ის ერთადერთი რამ, რაც კინოსტუდიებს თავში უტრიალებთ. აუდიტორიაც ძირითადად ახალგაზრდა კაცებისგან შედგება, მათი ასაკი დაახლოებით 12-დან 28 წლამდე მერყეობს, მათ კი სექსუალურად მომწიფებული გოგოების ნახვა სურთ ეკრანზე. შესაბამისად ჩემი ადგილი ეკრანიდან ნელ-ნელა ქრება", ამბობს ჯოან კოლინზი.

რაც შეეხება სამომავლო გეგმებს, მსახიობს ჯეი ქეი ფალკონი ახალ ფილმში Unforgettable იღებს, რომელშიც ჯოან კოლინზი დიდება დაკარგული ყოფილი კინორეჟისორის როლს ითამაშებს.