არასამთავრობო ორგანიზაციები კელი დეგნანს მადლობას უხდიან აშშ-ის ელჩის თანამდებობაზე მუშაობისა და იმ მხარდაჭერისთვის, რომელსაც ის NGO-ების მიმართ გამოხატავდა.

• "თქვენი ელჩობა საქართველოში ტრაგიკულ და ისტორიულ მოვლენებს დაემთხვა, როგორც საქართველოში, ისე უკრაინაში. ჩვენი ქვეყნის დამოუკიდებლობის, სუვერენიტეტისა და ტერიტორიული მთლიანობისადმი თქვენი ურყევი მხარდაჭერა, ჩვენს მადლიერებას იმსახურებს და საქართველოსთან მეგობრობისა და ნამდვილი სტრატეგიულ პარტნიორობის მაგალითს წარმოადგენს".
• მათი განცხადებით, დეგნანის მტკიცე პოზიცია ევროპულ ოჯახში საქართველოს დაბრუნებაზე, რუსეთის მიერ აფხაზეთისა და ცხინვალის რეგიონის ოკუპაციის დასრულებასა და სხვა ქვეყნის უსაფრთხოებისა და დემოკრატიული მისწრაფებების მიმართ მის ურყევ ერთგულებას ადასტურებს.
• თქვენი გზავნილი ჩვენი თანამემამულეებისადმი, მივიღოთ აქტიური მონაწილეობა საარჩევნო პროცესში, პირდაპირ ეხმიანება ჩვენს დემოკრატიულ მისწრაფებებს, რასაც საქართველოს სამოქალაქო საზოგადოება მტკიცედ იცავს".
• ასევე, აღნიშნავენ, რომ პოლიტიკურად მოტივირებული შეურაცხყოფისა და კრიტიკის მიუხედავად, ელჩის მოთმინებით სავსე პასუხები ხაზს უსვამს საქართველოსა და აშშ-ს მრავალწიან პარტნიორობას.
• "ქალბატონო ელჩო, საქართველოს კულტურისა და ჩვენი ქვეყნის დემოკრატიული და ევროპული მომავლის მისწრაფებებისადმი ღრმა პატივისცემა, ისევე, როგორც თქვენი გულმოდგინე სამსახური, მხარდაჭერა და ჩვენი ქვეყნის, მისი მოქალაქეებისა და სამოქალაქო საზოგადოების მიმართ ერთგულება, ფასდაუდებელი იყო. დარწმუნებულები ვართ, რომ თქვენი ელჩობის პერიოდში შექმნილი კავშირები გაგრძელდება და გაღრმავდება".
• ხელს აწერს Europe-Georgia Institute (EGI), Democracy Index — Georgia (DIG), Human Rights Center (HRC) და სხვები.
• მათი სრული სია შეგიძლიათ, იხილოთ აქ.

დეტალები: ორგანიზაციების ამ განცხადებას წინ უსწრებდა კელი დეგნანის გამოსამშვიდოებელი წერილი და ქართველი ხალხის მიმართ მადლობა.

• ისაუბრა იმ გამოცდილებაზე, რაც საქართველოში მუშაობისას დააგროვა და წერდა, რომ აღტაცებულია იმ ყველაფრით, რაც ქართველმა ხალხმა ევროატლანტიკური მისწრაფებების გამო გააკეთა.
• "ვემშვიდობები რა იმ ძალიან, ძალიან ბევრ ქართველს, რომელმაც თავისი სახლის კარი და გული გამიღო, ჩემი გული სავსეა მადლიერებითა და უდიდესი პატივისცემით. მიუხედავად იმისა, რომ მივდივარ, თან მიმაქვს ძალიან ბევრი სიყვარული და მეგობრობა ჩემი ძვირფასი მეგობრებისგან მთელი საქართველოდან. ეს იყო დიდი პატივი, რომელსაც ყოველთვის დავაფასებ, მემსახურა შეერთებული შტატების ელჩად ამ ლამაზ ქვეყანაში".

რატომ არის მნიშვნელოვანი: კელი დეგნანი საქართველოში აშშ-ის სრულუფლებიანი ელჩი 2020 წლიდან იყო.

• ამ პერიოდში ის არაერთხელ გახდა მმართველი გუნდის მიერ კრიტიკის, თავდასხმის, შეურაცხყოფისა და დეზინფორმაციის სამიზნე.
• 2023 წლის 28 ივლისს სენატმა საქართველო აშშ-ის ელჩად რობინ დანიგანი დაამტკიცა.