რატომ არის მნიშვნელოვანი: ლიეტუვის შინაგან საქმეთა მინისტრმა, აგნე ბილოტაიტემ ლიეტუვის საზოგადოებრივ მაუწყებელთან განაცხადა, რომ სახელმწიფო სასაზღვრო სამსახურის ხელმძღვანელთან ერთად რუსეთთან და ბელარუსთან საზღვრის ჩაკეტვის საკითხი განიხილეს.

  • 18 აგვისტოს მდგომარეობით, ლიეტუვის მთავრობა ბელორუსთან ექვსი სასაზღვრო გადასასვლელიდან ორს დროებით ხურავს.
  • პოლონეთი და ბალტიისპირეთის ქვეყნები საზღვრის უსაფრთხოებით განსაკუთრებით მას შემდეგ დაინტერესდნენ, რაც ვაგნერის ჯგუფის ასობით დაქირავებული მებრძოლი ალექსანდრ ლუკაშენკოს მიწვევით ბელარუსში ჩავიდა.

დეტალები: ლიეტუვის შს მინისტრის განცხადებით, ამ ეტაპზე ძნელი სათქმელია, ბელარუსთან საზღვრის სრული ჩაკეტვის შემთხვევაში, ავტომატურად დაიხურება თუ არა რუსეთთან საზღვარი.

  • "ჩვენ გვქონდა შეხვედრა სახელმწიფო სასაზღვრო სამსახურის ხელმძღვანელთან და მთელმა გუნდმა განიხილა არა მხოლოდ ბელარუსთან საზღვრის ჩაკეტვა, არამედ სხვა ვარიანტებიც, კერძოდ, რუსეთთან საზღვრის ჩაკეტვა, რადგან შეიძლება, იყოს სხვადასხვა საფრთხე და ჩვენ მზად უნდა ვიყოთ", – თქვა ბილოტაიტემ.