USAID ხელს უწყობს საქართველოს ახალგაზრდების, ადგილობრივი თემების გაძლიერებასა და სამოქალაქო განათლების წახალისებას.

ედუარდ ფარცვანია წლებია ჩართულია სამოქალაქო ახალგაზრდულ საქმიანობაში, 2017 წელს, სოციალური საწარმო-კაფე — მეგო ბარი / Mego Bar დააფუძნა, რომლის მიზანია, სამეგრელოს რეგიონში მცხოვრები ახალგაზრდებისთვის უფასო სამუშაო სივრცეზე და რესურსებზე ხელმისაწვდომობის გაზრდა.

მეგო ბარის სივრცეში, დღის განმავლობაში ტრენინგები, გამოფენა / გაყიდვები, სამუშაო და უცხო ენის კლუბის შეხვედრები ტარდება და ახალგაზრდებს სივრცესთან ერთად ტექნიკური აღჭურვილობა უსასყიდლოდ ეთმობათ.

ედუარდმა USAID-ის მხარდაჭერით კაფის ინვენტარის განახლება შეძლო და ბარმენის და მზარეულის სასერტიფიკატო კურსების დაფინანსება მოიპოვა. ამასთანავე, 2019 წელს ვაშინგტონში მონაწილეობა მიიღო "ღია სამყაროს" გაცვლით პროგრამაში.

"USAID-ის მხარდაჭერით შევძელი ისეთ საგანმანათლებლო პროექტებში ჩართვა, რომელმაც რეგიონში დარჩენის და საქმიანობის გაგრძელების მოტივაცია გამიჩინა".

"ჩემთვის ნამდვილი მეგობრობა დახმარებას, ნდობას და იმედს გულისხმობს, რომლის მაგალითიცაა USAID-ის მხრიდან მიღებული მხარდაჭერა", — ამბობს ედუარდი.