ვინ დუმს ამ დრომდე და ვინ დაგმო პრაიდფესტივალის ჩაშლა და ძალადობა
რა მოხდა: ალტინფოს დაორგანიზებული ჰომოფობიური, ძალადობრივი და პრორუსული ჯგუფები სასულიერო პირებთან ერთად დღეს ვაჟა ფშაველას ძეგლთან შეიკრიბნენ და მსვლელობით თბილისი პრაიდის საფესტივალო ტერიტორიაზე ავიდნენ.
- ისინი დაუფარავად აჟღერებდნენ დანაშაულებრივ მოწოდებებს და ამბობდნენ, რომ დახურულ ტერიტორიაზე დაგეგმილი ღონისძიების ჩაშლას აპირებდნენ.
- გზაშიც და საფესტივალო ტერიტორიასთანაც მობილიზებული იყო პოლიცია, თუმცა ძალადობრივი ჯგუფები ლისის ტბამდე დაუბრკოლებლად ავიდნენ.
- ამის შემდეგ მათ არაერთხელ გაარღვიეს პოლიციის კორდონი.
- ადგილზე სპეცეკიპირებაში მყოფი სამართალდამცავებიც გამოჩნდნენ, თუმცა ამის მიუხედავად მოძალადეები წინ მიიწევდნენ და საბოლოოდ, საფესტივალო ტერიტორიამდე მივიდნენ.
- თბილისი პრაიდის გუნდს ტერიტორიის დატოვება მოუწია.
- ფესტივალი ჩაიშალა — ორგანიზატორებმა მოუწოდეს სტუმრებს, აღარ ავიდნენ ლისზე, რადგან იქ ყოფნა უსაფრთხო არ არის.
- მოძალადეები ტერიტორიაზე შეიჭრნენ, დაარბიეს და დაწვეს დროშები და სტენდები, გაძარცვეს ბარები და მოიპარეს პირადი ნივთები.
დეტალები: მოგვიანებით პრაიდის ორგანიზატორებმა განაცხადეს, რომ დღეს განვითარებული მოვლენები მიანიშნებს, რომ თავდასხმა წინასწარ კოორდინირებული და შეთანხმებული იყო შინაგან საქმეთა სამინისტროსა და ძალადობრივ დაჯგუფება ალტ-ინფოს შორის.
- შს მინისტრის მოადგილემ, ალექსანდრე დარახველიძემ თავის მართლება სცადა და უსაფრთხოების ვერდაცვა გაშლილ სივრცეს და ხალხის რაოდენობას დააბრალა.
- მისი მტკიცებით, დილიდან მობილიზებული იყო ყველა საჭირო დანაყოფი, ვისაც ჰქონდა შესაბამისი უფლებამოსილება.
- ჟურნალისტების კითხვას, რატომ არ გადაკეტეს გზები და არ მიიღეს შესაბამისი პრევენციული ზომები, მან არ უპასუხა.
- დარახველიძემ არ უპასუხა არც იმ კითხვას, რატომ არ გამოიყენეს წყლის ჭავლის მანქანა, რომელიც ტერიტორიაზე ჰყავდათ აყვანილი.
- პარლამენტის თავმჯდომარის, შალვა პაპუაშვილის აზრით, პოლიციას შესაბამისი რეაგირება ჰქონდა და სათანადოდ უზრუნველყო უსაფრთხოება.
- პრაიდის ფესტივალის ჩაშლის შემდეგ მისმა თანაგუნდელმა, პარტიის პოლიტსაბჭოს წევრმა და დეპუტატმა დიმიტრი სამხარაძემ მოძალადეებს მხარდაჭერა გამოუცხადა და ჰომოფობიურ პოსტში კმაყოფილება გამოხატა.
მომხდარი დაგმო საქართველოს პრეზიდენტმა. ფესტივალის ჩაშლის შემდეგ ზურაბიშვილმა ბრიფინგი გამართა და შსს და მმართველი გუნდი გააკრიტიკა და ვალდებულებები შეახსენა.
- იმედგაცრუება და შეძრწუნება გამოხატეს ელჩებმა.
- "მოვუწოდებ ხელისუფლებას უზრუნველყოს ყველა იმ პირის პასუხისმგებლობის საკითხი, რომლებმაც აგრესიული გზით ხელი შეუშალეს მშვიდობიანი შეკრების ჩატარებას", — დაწერა დიდი ბრიტანეთის ელჩმა.
- "მე სრულიად იმედგაცრუებული ვარ, რომ მიუხედავად წინასწარ მოწოდებული უსაფრთხოების გარანტიებისა, უსაფრთხოების რისკების გამო, დღეს პრაიდფესტივალი ვერ ჩატარდა. დღეს და წარსულში ძალადობის ყველა ორგანიზატორი უნდა იყოს სრულად გამოძიებული და სასამართლოს წინაშე წარდგენილი", — განაცხადა ნიდერლანდების ელჩმა.
რამდენიმე ოპოზიციური პარტია საჯარო პოსტებით გამოეხმაურა ძალადობრივი ჯგუფების ქცევას და შსს-ს რეაგირებას.
- "პარტია დროა სრულ მხარდაჭერას უცხადებს ყველა ლგბტქი+ ადამიანს და თბილისი პრაიდის გუნდს. ყველა შესაძლო სახით, თუნდაც ფიზიკურად, დავიცავთ შეკრებისა და გამოხატვის თქვენს კონსტიტუციურ უფლებას. რა თქმა უნდა, ვიმოქმედებთ ფესტივალის ორგანიზატორების ინსტრუქციების მიხედვით", — ვკითხულობთ დროას განცხადებაში.
- "ხელისუფლებამ კვლავ უარი განაცხადა პრაიდის ფესტივალის მონაწილეების ფუნდამენტური, კონსტიტუციური უფლებების უზრუნველყოფაზე, მოტყუებით მისცა მათ უსაფრთხოების გარანტიები და კვლავ დააყენა ისინი შავრაზმული ფიზიკური ძალადობის საფრთხის წინაშე და მისივე მოკავშირე პუტინისტური კრიმინალური ჯგუფების მოგერიების ნაცვლად, თავად ფესტივალის მონაწილეები გაიყვანა კერძო საფესტივალო ტერიტორიიდან", — წერს ევროპული საქართველო.
- "ამ ქვეყანაში ოცნება აერთიანებს სუს-ს, პოლიციას, მურუსიძის სასამართლოს, საპატრიარქოს მრევლს, კრიმინალურ სამყაროს, რომლებშიც გადაზელილია ის ორკების არმია, რომელიც დღეს ვიხილეთ. ამ ხალხზე დგას დღეს აქ რუსეთიც, ბიძინაც და მისი ნებისმიერი მონაც. არავინ მათ არ მოექცევა ისე, როგორც ექცევიან იმ ხალხს, ვინც რუსეთს/ბიძინას ებრძვის. მითუმეტეს, არავინ მათ არ დაშლის წყლით, გაზით და ხელკეტებით", — წერს გირჩი მეტი თავისუფლება.
- "სანამ ხელისუფლების მაღალჩინოსნები პირდაპირ კოორდინაციაში არიან მოძალადეებთან და ადამიანი საერთოდ არაფერს ნიშნავს მათთვის, არავინ, საერთოდ არავინ არაა დაცული ამ ქვეყანაში!!! პოლიციამ ვერ შეაჩერა მოძალადეები??? ვის სჯერა ამის?!! მოძალადეა თითოეული ხელისუფლებიდან და მათ შორის ის ქალები განსაკუთრებით, საკუთარი შვილები რომ დაცული ჰგონიათ და თავის არაადამიან თანაპარტიელებს "აპრავებენ"!! მეზიზღებით ყველანი", — დაწერა დეპუტატმა ხათუნა სამნიძემ.
- "ანუ პოლიცია საკმაოდ ბევრია, მაგრამ მოძალადეები მაინც არღვევენ კორდონს, პრაიდის ღონისძიება ჩაიშალა… სადაა სახელმწიფო, რომელმაც ადამიანი (და არა "ძლიერი" ჯგუფი/მოძალადე ჯგუფი) უნდა დაიცვას?! სახლში ვინ გრძნობთ თავს დაცულად?", — აღნიშნა დეპუტატმა თამარ კორძაიამ.
ამ დრომდე დუმს სახალხო დამცველი ლევან იოსელიანი. ომბუდსმენის ოფიციალურ და მის პირად ფეისბუქგვერდებზე არანაირი განცხადება არ გამოქვეყნებულა.
- ჩვენ დავუკავშირდით ომბუდსმენის აპარატს კითხვით, იქნება თუ არა და როდის იქნება სახალხო დამცველის შეფასება — პრესსამსახურში გვითხრეს, რომ შეგვატყობინებენ, როცა იქნება.
- გარდა ამისა, განცხადებები არ გაუვრცელებია ნაციონალურ მოძრაობას და მის თავმჯდომარეს, ლევან ხაბეიშვილს.
- თუმცა პარტიის წევრმა, ანა წითლიძემ დაწერა: "რობოკოპები, წყლის ჭავლი — ეს მხოლოდ ანტირუსული აქციების დროს გამოიყენება, ანტისაოკუპაციო მიტინგების დასაშლელად ოპოზიციის და სამოქალაქო აქტივისტების წინააღმდეგ? შინაგან საქმეთა სამინისტრო, თუ გაწუწვა დაგენანათ ამ მოძალადეების?"
- საპარლამენტო ოპოზიციური პარტიები, გირჩი, მოქალაქეები, საქართველოსთვის, სტრარეგია აღმაშენებელი და ლელოც დუმილის რეჟიმში არიან — არც პარტიების და არც მათი თავმჯდომარეების გვერდებზე განცხადებები არ გამოქვეყნებულა.
- იძებნება საქართველოსთვის დეპუტატის, ანა ბუჩუკურის განცხადება: "ხელისუფლებას გაცხადებული ჰქონდა, რომ უზრუნველყოფდა დღევანდელი ღონისძიების მონაწილეთა უსაფრთხოებას. ახლა ამის საპირისპირო ხდება — ხელისუფლება საბაზისო ფუნქციებს, როგორიცაა მართლწესრიგის დაცვა, ადამიანების ფიზიკური უსაფრთხოება, ვეღარ ასრულებს."
- მომხდარზე არ უსაუბრია მთავარ პასუხისმგებელ პირებსაც — არც მთავრობას და არც პრემიერმინისტრს.
- ასეთი სიტუაციაა 18:07 საათის მონაცემებით — ჩვენ ვაგრძელებთ, სხვა პოლიტიკოსებისა და დეპუტატების გამოხმაურებების ძებნას და მოძიების შემთხვევაში, მათ ნახვას ჩვენს არხებზე შეძლებთ.
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
კომენტარები