ევროპის საბჭოს ვენეციის კომისიის პრეზიდენტმა, ჯანი ბუკიკიომ, რომელიც დღეს ბათუმში იმყოფება, განაცხადა, რომ კონსტიტუციას, რომელიც ერთი პარტიის მიერაა დამტკიცებული, არ აქვს სრული ლეგიტიმაცია.

რუსთავი 2-ის თარგმანის მიხედვით, მან იმედი გამოთქვა, რომ პოლიტიკური ძალები საქართველოში, შეძლებენ კომპრომისის გამონახვას კონსტიტუციის ტექსტზე:

"ძალიან მნიშვნელოვანია, რომ არსებობდეს ფართო კონსენსუსი, ამ მნიშვნელოვან ტექსტთან დაკავშირებით. გავაგრძელებ კონსულტაციებს უმრავლესობასთან და უმცირესობასთან, რომ ვუბიძგო მათ კომპრომისის გამონახვისკენ".

ვენეციის კომისიის პრეზიდენტი ბათუმში ევროპის საკონსტიტუციო სასამართლოების მე-17 კონგრესს ესწრება.