ივნისის დასაწყისში Euphoria-ს შემქმნელმა, სემ ლევინსონმა The Weeknd-თან ერთად სერიალი The Idol გამოუშვა. შოუს მალევე უამრავი კრიტიკოსი გამოუჩნდა. ზოგიერთი მათგანი ფიქრობს, რომ The Idol-ის სიუჟეტი რეალურ ამბავს, კონკრეტულად კი, სელენა გომესის ცხოვრებას ეყრდნობა. ამ ეჭვს ისიც ამყარებს, რომ გომესი და სერიალის ერთ-ერთი სცენარისტი The Weeknd 2017 წელს ერთმანეთს ხვდებოდნენ.

სოციალურ ქსელებში ათასობით პოსტს შეხვდებით, რომელშიც ადამიანები სერიალის მთავარი გმირის, ჯოსლინისა და სელენას ცხოვრებას შორის მსგავსებებს პოულობენ. ამ სტატიაში რამდენიმე მათგანზე მოგიყვებით.

1. ჯოსლინიც და სელენაც პოპ ვარსკვლავები არიან, რომელთაც კარიერა ბავშვობაში მსახიობობით დაიწყეს

პირველი და ყველაზე ცალსახა მსგავსება ის არის, რომ მთავარი გმირი, ჯოსლინიც და სელენაც ცნობილი მომღერლები არიან, რომელთაც სახელი ადრეულ ასაკში საბავშვო შოუში თამაშით გაითქვეს. სელენა თინეიჯერობისას დისნეის ვარსკვლავი იყო, მანამდე კი, მაყურებელმა ცნობილი ამერიკული შოუდან, Barney & Friends გაიცნო. ჯოსლინის შემთხვევაშიც, ბავშვობაში მსახიობობით დაწყებულმა კარიერამ მის ცხოვრებაში ძალიან დიდი როლი ითამაშა.

2. სელენამაც და ჯოსლინმაც მუსიკალური ტურნე მძიმე მენტალური მდგომარეობის გამო გააუქმეს

2016 წელს სელენამ ტური პანიკური შეტევებისა და დეპრესიის გამო გააუქმა. სერიალის დასაწყისში კი ვიგებთ, რომ წარსულში ჯოსლინს მსოფლიო ტურნეს გადადება დედამისის გარდაცვალების გამო მოუწია.

3. შესვენების შემდეგ, საჯაროდ გავრცელებულ პირველ კადრებში ორივეს საავადმყოფოს სამაჯური უკეთია

შესვენების შემდეგ სელენა მისი ცნობილი სიმღერით Bad Liar დაბრუნდა, რომლის ვიდეოს ერთ-ერთ სცენაშიც სავარაუდოდ, საავადმყოფოს სამაჯური უკეთია. მსგავს სცენას ვაწყდებით The Idol-ში — პაუზის შემდეგ პირველ ფოტოგადაღებაზე ჯოსლინის ხელზე მსგავს სამაჯურს ვხედავთ.

4. პაუზის შემდეგ, ფანებს მომავლის გეგმებზე სელენაც და ჯოსლინიც ლაივჩართვით ატყობინებს

სერიალის ერთ-ერთ სცენაში, ტედროსი, რომლის როლსაც The Weeknd ასრულებს, ჯოსლინზე მანიპულირებს და აიძულებს, სოციალურ ქსელში ლაივი ჩართოს, სადაც მედიაში გავრცელებულ ჭორებს ეხმიანება და ფანებს ჰპირდება, რომ "წარსულში მომხდარი ტრავმული გამოცდილებები მომავალში ხელს ვერ შეუშლის, უკეთესი ადამიანი იყოს".

მსგავსი ლაივჩართვა რამდენიმე წლის წინ სელენასაც ჰქონდა, როდესაც მან ახსნა, რატომ ცდილობს პირად ცხოვრებაზე არ ისაუბროს და საჯაროდ საკუთარ თავზე ნაკლები რამ გააზიაროს — მისი თქმით, არ უნდა, მედიამ მასზე სიცრუე დაწეროს. იმავე ლაივში, ფანებს სელენაც ჰპირდება, რომ ცხოვრების ახალ ეტაპზე საკუთარი თავის საუკეთესო ვერსია იქნება.

6. ორივე პოპვარსკვლავს ჰყავს საუკეთესო მეგობარი, რომელიც პარალელურად მათი პერსონალური ასისტენტის როლსაც ითავსებს

სელენას ასისტენტი მისი საუკეთესო მეგობარი ტერეზა მინგუსია, ჯოსლინის კი ლეია.