ფოტოგრაფებმა დევიდ ჯეიმ და ჯეიმს ნეთვეიმ, ერაყიდან და ავღანეთიდან დაბრუნებული ამერიკელი ჯარისკაცები კადრზე აღბეჭდეს.

"მე ვიყავი ამ ყველაფრის შემხედვარე და ეს მძიმე, შოკისმომგვრელი რეალობა კადრზე აღვბეჭდე, რადგან ადამიანები რომლებიც ომში საკუთარ სიცოცხლესა და ჯანმრთელობას რისკავენ, არ უნდა მიეცენ დავიწყებას", ამბობს ჯეიმსი.

1. ბოდი ჰენლინი

ფოტო: David Jay

ბოდი ჰენლინი ერაყში ნაღმზე აფეთქდა, ის ერთადერთია თავის რაზმიდან ვინც თავდასხმისას სიკვდილს გადაურჩა.

2. ნიკოლას ჯონ ვოთი

ნიკოლასმა ავღანეთის ომში, გარდა საუკეთესო მეგობრისა, ფეხები დაკარგა.

3. ტომას იანგი

ფოტო: David Jay

2011 წელს ერაყიდან დაბრუნებული ტომასი სიცოცხლის ბოლო დღემდე პარალიზებული იყო. ის ამ ფოტოს გადაღებიდან ერთ წელიწადში, 2014 წელს გარდაიცვალა.

4. ჯერალ ჰენკოკი

ჯერალი ერაყში ტანკს მართავდა, როდესაც ტანკსაწინააღმდეგო ნაღმზე აფეთქდა.

5. ჯეისონ პეკი

ფოტო: David Jay

ჯეისონმა 2012 წელს ავღანეთის ომში ფეხი და ხელზე რამდენიმე თითი დაკარგა.

6. ბობი ბერნიერი

ბობი ბერნიერს, რომელიც ფოტოზე საკუთარ ქალიშვილთან ერთად არის აღბეჭდილი, სხეულის 60%-ის დამწვრობა აქვს მიღებული.

7. სედრიკ კინგი

ფოტო: James Nachtwey

სედრიკმა ავღანეთის ომში ორივე ფეხი დაკარგა, თუმცა სამშობლოში დაბრუნებულს ფარ-ხმალი არ დაუყრია და გადაწყვიტა შვილებთან ერთად ხელმეორედ ისწავლოს ცურვა.

8. მარისა სტროკი

ფოტო: David Jay

მარისამ თავისი ნაიარევები, ჩამოგდებულ და ცეცხლის ალში გახვეულ საბრძოლო თვითმფრინავში მიიღო, მაშინ ის სულ რაღაც 20 წლის იყო.

9. მეთ სმიტი

ფოტო: David Jay

მეთი 2013 წელს ავღანეთის ომში იბრძოდა, რასაც მისი ფეხი შეეწირა.

10. შაილო ჰარისი

შაილო 2007 წელს თავის თანამებრძოლებთან ერთად დაბომბეს, რასაც მხოლოდ ის და საბრძოლო მანქანის მემანქანე გადაურჩნენ.