ამის შესახებ თამაზ გაიაშვილმა რადიო თავისუფლებასთან ინტერვიუში ისაუბრა.

რატომ არის მნიშვნელოვანი: პუტინის განკარგულებით, 17 მაისიდან პირდაპირი ფრენები აღდგა. ოკუპანტი ქვეყნის ბრძანებისთანავე, საქართველოში ფრენის სურვილი არაერთმა კომპანიამ გამოთქვა.

  • Georgian Airways-ს იყო ერთ-ერთი რომელმაც, რუსეთში ფრენები მოისურვა — სამოქალაქო ავიაციის სააგენტომ კი ავიაკომპანიაზე ნებართვა 16 მაისს გასცა.
  • ამავე დღეს კომპანიამ დაპოსტა, რომ 20 მაისიდან ყველა საჭირო ნებართვის მიღების შემთხვევაში რუსეთთან პირდაპირი რეისების შესრულებას დაიწყებდა, რასაც საზოგადოების პროტესტი მოჰყვა.
  • "შორს ბინძური ხელები ჯორჯიან ეარვეისისგან! (ავიაკომპანია "ჯორჯიან ეარვეისის" თანამშრომლების ღია წერილი)" — ასე იწყებოდა კომპანიის მომდევნო განცხადება და რამდენიმე წუთში მომხმარებლებისთვის კომენტარების დაწერაც შეზღუდეს.
  • წერილი ქართული ოცნების მესიჯბოქსებს იმეორებდა.

დეტალები: ავიაკომპანიის დამფუძნებლის თქმით, რაც პირდაპირი რეისები დაფრინავს, ბორტის ნახევარიც კი არ ივსება.

  • "მოლოდინი იყო, რომ ბევრი იქნებოდა — როგორც ქუხს, ისე არ წვიმს... ერთი-ორი თვე უნდა გავიდეს, შევხედოთ [ფრენების სიხშირეზე] წინასწარი ლაპარაკი არაფრისმომცემია", — უთხრა მან გამოცემას.
  • გარდა ამისა, დღეს რუსულ მედიაში გავრცელდა ინფორმაცია, რომ გაიაშვილის კომპანია რუსებისთვის ევროპაში თბილისიდან ტრანზიტულ ფრენებს იწყებს.
  • როგორც გამოცემა წერს, მან თქვა, რომ საქართველოს მთავრობამ პირდაპირი ავიამიმოსვლა ძალიან თბილად მიიღო და იმედი გამოთქვა, რომ "ღვთის წყალობით" რუსეთთან პირდაპირი ფრენები არ შეწყდება.
  • ამ საკითხზე რადიო თავისუფლების კითხვას გაიაშვილი ასე პასუხობს:
  • "მე მაინცდამაინც ბევრ მიმართულებას ვერ შევთავაზებ, თუ რაიმე მათთვის იქნება მისაღები, იმგზავრონ. ახალ რეისებს არ ვგეგმავ, დანიშნულია დიდი ხანია".