ამის შესახებ მიტროპოლიტმა ფორმულას განუცხადა.

რატომ არის მნიშვნელოვანი: ეს პირველი შემთხვევა არ არის, როდესაც ახალქალაქის მიტროპოლიტი რუსეთის დედაქალაქში ჩადის.

  • ამჯერად ის თანახმად, მაცხოვრის საკათედრო ტაძარში ჩატარებულ წირვას დაესწრო.
  • მოსკოვის საპატრიარქოს ვებგვერდზე გამოქვეყნებული ინფორმაციის თანახმად, მას პატრიარქი კილირე, რუსული და სხვა მართლმადიდებელი ეკლესიები მღვდელმსახურები და ქვეყნის ოფიციალური პირებიც ესწრებოდნენ.
  • მათ შორის, რუსეთის ოფიციალური პირები, რუსეთის ლიბერალ-დემოკრატიული პარტიის თავმჯდომარე, დუმის დეპუტატი, მოსკოვის მერის მრჩეველი, რუსეთის თავდაცვის მინისტრის მოადგილე და სხვები.

დეტალები: ფაჩუაშვილი ამბობს, რომ ის კირილეს ანგელოზის დღეზე მიიწვიეს, საქართველოს პატრიარქი მის მოსკოვში ვიზიტზე ინფორმირებული იყო, მაგრამ ვერ მოასწრო, წირვაზე დასწრებაზე შეთანხმებოდა.

  • მიტროპოლიტი არასწორ ინფორმაციას უწოდებს იმას, რომ პატრიარქი კირილე ომს აკურთხებს და ახალისებს და მას იმით ხსნის, რომ რუსეთის ეკლესიის იურისდიქცია უკრაინაშიც ვრცელდება.
  • "თავის ეპარქიაში, თავის ადგილობრივ ეკლესიაში, რომელსაც მართავს, ის ვერ აკურთხებს ვერანაირ ომს, იმიტომ, რომ ყველანი მისი სულიერი შვილები არიან".
  • არადა პატრიარქი კირილე პუტინის დაახლოებულ პირად და მისი პოლიტიკის გამტარებლად მიიჩნევა.
  • ის პრობლემას ვერც ეკლესიებს შორის დიალოგებში ხედავს, მეტიც, იმედოვნებს, რომ ეს ევქარისტული კავშირები შედეგს გამოიღებს.