ამის შესახებ მან ჟურნალისტებთან ისაუბრა.

რატომ არის მნიშვნელოვანი: სალომე ზურაბიშვილის ევროპარლამენტში გამოსვლა 31 მაისსაა დაგეგმილი.

  • მანამდე, შეხვედრა 18 აპრილს იგეგმებოდა, თუმცა ადმინისტრაციაში განაცხადეს, რომ ვიზიტის გადადების მიზეზი თანხმობის მიღების პროცესის ხელოვნურად გაჭიანურება იყო.
  • პრეზიდენტის ადმინისტრაციაში საქართველოს მხრიდან რუსეთში ფრენების გაცემის შესახებ საუბრისას განაცხადეს, რომ მთავრობას პრეზიდენტის ბრიუსელში ვიზიტზე თანხმობა ამ დრომდე არ გაუცია.
  • პრეზიდენტის ადმინისტრაციამ აღნიშნა, რომ მაშინ, როცა რუსეთთან ფრენებზე ნებართვა მაშინვე გაიცა, რატომ შეფერხდა ბრიუსელში ვიზიტზე თანხმობა.

დეტალები: ღარიბაშვილი ამბობს, რომ პრეზიდენტს დაუკმაყოფილდება მისი განაცხადი. პრემიერმინისტრმა ასევე თქვა, რომ ზურაბიშვილს ევროპარლამენტში ჰქონდა დაგეგმილი მანამდე შეხვედრა, ელოდებოდნენ, თუმცა არ წავიდა და ეს მთავრობას დააბრალა.

  • "მაგრამ ჩვენ ამის თაობაზე გავასაჯაროვეთ ინფორმაცია, რომ ჩვენ გაცემული გვქონდა უკვე თანხმობა", — თქვა ღარიბაშვილმა.
  • ამბობს, რომ პრეზიდენტის ადმინისტრაციის განცხადება არის ყურადღების გადატანის მცდელობა.
  • "ძალიან უხერხულია ამ თემებზე საუბარი,. ეს არის ტექნიკური საკითხები, რომელსაც ადმინისტრაციები ერთმანეთთან წყვეტენ. ამის საჯაროდ გამოტანა მე ვფიქრობ, არასერიოზულია, უადგილოა, და საერთოდაც, მე ვფიქრობ, არ იმსახურებს ამხელა ყურადღებას", — განაცხადა პრემიერმინისტრმა.