ფორმულას დამფუძნებლის განცხადებას ტელეკომპანია თავად ავრცელებს.

რატომ არის მნიშვნელოვანი: რამდენიმე კვირის წინ BBC Eye-მ მასშტაბური ჟურნალისტური გამოძიება გამოაქვეყნა, სადაც თავდაცვის ყოფილი მინისტრი და ფორმულას დამფუძნებელი დავით კეზერაშვილი ქოლცენტრების თაღლითურ სქემებთან კავშირში ამხილა.

  • საზღვარგარეთ მყოფმა კეზერაშვილმა ბრალდებები თავიდანვე უარყო და განაცხადა, რომ BBC-თან კითხვები აქვს და სამართლებრივ ბერკეტებს გამოიყენებს.
  • კეზერაშვილი ბლალდებებს ისევ უარყოფს და მას "უკიდურესად მცდარს" უწოდებს.

კეზერაშვილი აცხადებს, რომ არაფერი აქვს საერთო Milton Group-თან ან ქოლცენტრებთან დაკავშირებულ რომელიმე თაღლითობასთან.

  • როგორც არხის დამფუძნებელი ამბობს, ამჟამინდელი ხელისუფლების მხრიდან მის წინააღმდეგ დღემდე გრძელდება შევიწროების, მუქარისა და დევნის კამპანია.
  • უპასუხისმგებლობას უწოდებს BBC-ის მიერ სიუჟეტის ეთერში გაშვებას და ამატებს, რომ მას არანაირი სათანადო საფუძველი არ გააჩნია.
  • "მას შემდეგ, რაც BBC-მ ეს ტყუილები გამოაქვეყნა, ქართული რეჟიმი აგრძელებს ამის პროპაგანდის ინსტრუმენტად გამოყენებას, როგორც მისი ხანგძლივი ცილისმწამებლური კამპანიის ნაწილს, რათა შეილახოს ჩემი, როგორც ცნობილი ოპოზიციური არხის, ფორმულას დამფუძნებლისა და საქართველოში ლიბერალური ღირებულებების დამცველის რეპუტაცია".

გარდა ამისა, კეზერაშვილი წერს, რომ ეს "ყალბი პროგრამა" იმ რეჟიმის ხელში მოხვდა, რომელიც BBC-ს სანდოობას იყენებს, ამის მიზანი კი მისი და მისი ოჯახისთვის საფრთხის შექმნაა.

  • "ამავდროულად, ვერ შეუსწავლია თავისივე როლი თაღლითურ ქოლ-ცენტრებში, რომელიც საქართველოში არაერთმა დამოუკიდებელმა ჟურნალისტმა გამოააშკარავა. ჩემი რეპუტაციის დასაცავად, არ დავიხევ უკან, რომ BBC-ის წინააღმდეგ სამართლებრივ ზომებს მივმართო".

გაიგეთ მეტი BBC-ის გამოძიებაზე: