10 ქვიარ ვარსკვლავი, რომელსაც დაქამინგაუთებას უშლიდნენ
იმის მიუხედავად, რომ საზოგადოებაში დამოკიდებულები წლიდან წლამდე იცვლება და ადამიანები უფრო ტოლერანტულები ხდებიან სხვების მიმართ, ჰეტერონორმატიული სამყაროსთვის განსხვავებულმა ადამიანებმა საუკუნეების განმავლობაში ჩაგვრასთან ერთად "უხილავობის" პრობლემაც გამოიარეს. ბოლო ათწლეულების განმავლობაში ამაში ლომის წილი შეიტანა გასართობმა ინდუსტრიამ — კინო, სატელევიზიო და მუსიკის სფეროს დღეს უკვე ცნობად სახეებსაც კი თავის დროზე ეუბნებოდნენ, რომ იდენტობა დაემალათ. მათ შორის არიან:
1. რიკი მარტინი
ცნობილმა პოპმომღერალმა ერთ-ერთ ჟურნალთან ინტერვიუში ბარბარა უოლტერსის სატელევიზიო გადაცემა გაიხსენა, სადაც მას წამყვანმა მოუწოდა, მის სექსუალობაზე გავრცელებული ხმებისთვის წერტილი დაესვა და ეთქვა, იყო თუ არა გეი. მაშინ მარტინმა ამაზე უარი განაცხადა, თუმცა, 2018 წელს, ქამინგ აუთიდან რვა წლის შემდეგ, მიზეზებზე ვრცლად ისაუბრა.
მუსიკოსის თქმით, ახლობლები ეუბნებოდნენ, რომ იდენტობის გამხელით იგი თავის კარიერას დაასამარებდა. ამასთან, მარტინი ამბობს, რომ უოლტერსის გადაცემის გახსენებისას პოსტტრავმული ფიქრები ისევ ეძალება, რადგან სატელევიზიო ინტერვიუში დაჟინებული მოწოდება, სექსუალობაზე ღიად ესაუბრა, მისთვის უსიამოვნო გამოცდილება იყო.
2. კრისტენ სტიუარტი
მსახიობის თქმით, "ძველებური მენტალიტეტის" გამო თავისი კარიერის საწყის ეტაპზევე გაიგო, რომ ხალხის აზრისა და მნიშვნელოვანი როლების დაკარგვის შიშით ვერც პირად ცხოვრებაზე ისაუბრებდა ღიად და ვერც საჯარო სივრცეში გავიდოდა პარტნიორ გოგოსთან ერთად.
"პირდაპირ მითხრეს, საკუთარ თავს თუ პატივს დასდებ და ხალხში შეყვარებულ გოგოსთან ხელჩაკიდებული არ გახვალ, შეიძლება მარველის ფილმსაც გამოჰკრა ხელიო", — იხსენებს სტიუარტი, — "ასეთ ადამიანებთან მუშაობა საერთოდ არ მინდა".
3. კოლტონ ჰეინსი
სერიალების ვარსკვლავი იხსენებს, რომ ჰოლივუდის ინდუსტრიაში პირველი ნაბიჯების გადადგმისთანავე გააფრთხილეს, არავითარ შემთხვევაში არ უნდა დაქამინგაუთებულიყო. მისი იდენტობის დასამალავად ჭორებიც კი გაავრცელეს ჰეტეროსექსუალურ ურთიერთობებზე. ამის გამო ჰეინსი წლების განმავლობაში განიცდიდა სტრესსა და შფოთვას, რის შედეგადაც თერაპიაც დასჭირდა.
"ლოს-ანჯელესში გადასვლისთანავე პირდაპირ მითხრეს, რომ 'გეი ვერ ვიქნებოდი', რადგან ასე არ ვიმუშავებდი", — ჰყვება მსახიობი, — "მერე კი ჩემს აგენტებთან და სხვა ხალხთან შეხვედრისას კიდევ ერთხელ მითხრეს, რომ 'ასეთი' არ უნდა ვყოფილიყავი. სცადეს კიდეც, გოგოებთან ერთად გამოვჩენილიყავი".
4. კარა დელევინი
მსახიობსა და მოდელს თავის დროზე მოძალადე ჰარვი ვაინშტაინმა უთხრა, რომ ჰოლივუდში ვერასდროს გაიკვლევდა გზას, როგორც ქვიარ ქალი. დელევინი იხსენებს, რომ ვაინშტაინი იდენტობის დასამალავად კაცებთან ურთიერთობას ურჩევდა, მის პირად ცხოვრებაზე კი უსიამოვნო კომენტარებსაც აკეთებდა.
"ჰარვი ვაინშტაინმა ერთ-ერთი პირველი ის მითხრა, რომ, როგორც გეი ქალი, ამ ინდუსტრიაში ვერ აღმოვჩნდებოდი", — ამბობს დელევინი.
5. ეზრა მილერი
კიდევ ერთი მსახიობი, რომლის შეშინებაც კარიერის დანგრევის პერსპექტივით სცადეს, ეზრა მილერია. მსახიობი 2012 წელს დაქამინგაუთდა, მაგრამ ეს ადვილი არ ყოფილა. იგი იხსენებს, რომ კოლეგებმაც და ახლობლებმაც ურჩიეს, "სისულელე არ გაეკეთებინა", რადგან ასე წამყვანი როლების მიღების შესაძლებლობას დაკარგავდა. ამასთან, ერთ-ერთ ინტერვიუში იდენტობის გაცხადების შემდეგ, გამუდმებით ეუბნებოდნენ, რომ შეცდომა დაუშვა.
"არ ვფიქრობ, რომ რამე არასწორი გავაკეთე, იმის მიუხედავად, რომ მსგავსი საუბრების გამო ეჭვები მღრღნიდა", — ჰყვება მილერი, — "მაგრამ რასაც ისინი მეუბნებოდნენ, რეალურად, მონაჩმახი აღმოჩნდა. ჩვენზეა დამოკიდებული, სამყაროს ვუთხრათ, რომ მასში არსებობა გვინდა".
6. ევან რეიჩელ ვუდი
ცნობილი მსახიობი ევან რეიჩელ ვუდი ჯერ კიდევ 2011 წელს დაქამინგაუთდა, მაგრამ მანამდე მასაც გამუდმებით მოუწოდებდნენ, ეს არ გაეკეთებინა, რათა "კაცებისთვის ნაკლებად სასურველი" არ ყოფილიყო და "ბილეთები გაეყიდა".
"ჩემს თავს ისეთი არაფერი მომხდარა, რასაც მიწინასწარმეტყველებდნენ", — აღნიშნავს მსახიობი, — "შეიძლება ადამიანთა ერთი ჯგუფის დატოვება გიწევდეს, მაგრამ მეორე ჯგუფში ხელგაშლილი გხვდებიან".
7. ელიოტ პეიჯი
სანამ ელიოტ პეიჯი, საბოლოოდ, ტრანსგენდერ კაცად დაქამინგაუთდებოდა, მან განაცხადა, რომ ლესბოსელი იყო. თუმცა, მას ამის თქმასაც კი უშლიდნენ.
"არსებობს აზრი, რომ ქამინგ აუთი შენს კარიერას დააზიანებს, რაც, ნაწილობრივ, მართალიცაა. როცა გადაწყვეტილება მივიღე, ამდენად გულუბრყვილოც არ ვყოფილვარ", — აღნიშნავს პეიჯი.
მსახიობი ამატებს, რომ მას ასევე გამუდმებით აიძულებდნენ, ფოტოგადაღებებსა და მნიშვნელოვან ღონისძიებებზე კაბა და მაღალქუსლიანი ფეხსაცმელი ჩაეცვა — "თითქოს ლესბოსელებს არ შეიძლება ეს მოსწონდეთ".
"თუმცა, აღარავის მივცემ უფლებას, ისეთ სიტუაციაში მამყოფოს, სადაც თავს არაკომფორტულად ვგრძნობ", — აცხადებს მსახიობი.
8. მეთ ბომერი
ჰოლივუდის ერთ-ერთმა ყველაზე აღიარებულმა მსახიობმა დაქამინგაუთება თავისი კარიერის მნიშვნელოვან მომენტში გადაწყვიტა — მაშინ, როცა გადაწყვეტილების რისკებს თავადაც კარგად იაზრებდა.
"მაშინ [ჩემი] ერთ-ერთი ფილმი და სერიალი გამოდიოდა", — იხსენებს ბომერი, — "მაგრამ ჩემთვის მნიშვნელოვანი იყო, ნამდვილი ვყოფილიყავი, როგორც საკუთარ თავთან, ისე ჩემს ოჯახთან".
ბომერის თქმით, გადაწყვეტილება არასდროს უნანია, მაგრამ მას შემდეგ გამოვლილი გზაც არ ყოფილა ადვილი.
"მოგატყუებთ, თუ გეტყვით, რომ [ქამინგ აუთის გამო] კარიერაში რაღაცები არ დავკარგე. დავკარგე", — ამბობს მსახიობი, — "თუმცა, მე არჩევანი გავაკეთე და ეს ნამდვილად ღირდა".
9. ჯონათან ბეილი
სერიალ ბრიჯერტონის ვარსკვლავი ჰყვება, რომ ქამინგ აუთისგან თავშეკავებისკენ ძირითადად კინო და სატელევიზიო ინდუსტრიაში მყოფი სხვა გეი კაცები მოუწოდებდნენ. ბეილის თქმით, აგენტები და ქასთინგ მენეჯერები ყოველთვის ყოყმანობდნენ, როცა საქმე "გეი როლებს" ეხებოდა.
"თითქოს რცხვენიათ, ეს განწყობა თვალშისაცემია", — ამბობს მსახიობი, რომელმაც, საბოლოოდ, 2018 წელს გადაწყვიტა, თავის იდენტობაზე ღიად ესაუბრა.
10. სარა პოლსონი
პოლსონს სირთულეები შეხვდა არა მხოლოდ თავისი იდენტობის, პარტნიორის გამოც, რომელიც მასზე 34 წლითაა უფროსი. მსახიობს ურჩევდნენ, კარიერის დასაცავად ეს ურთიერთობა საიდუმლოდ შეენახა.
"თავიდან, როცა ხალხი იგებდა, რომ ჰოლანდს [მსახიობი ჰოლანდ ტეილორი] ვხვდებოდი, მეუბნებოდნენ, სიფრთხილე გმართებს, რადგან ეს ყველაფერი შენს კარიერაზე ცუდად აისახებაო", — იხსენებს პოლსონი, — "მე კი მიკვირდა, ამაზე საერთოდ არ მიფიქრია-მეთქი".
-
გადახედვასაია: არ არსებობს მშვიდობიანი აქციის დაშლის კანონისმიერი წინაპირობა საია: არ არსებობს მშვიდობიანი აქციის დაშლის კანონისმიერი წინაპირობა
-
გადახედვათბილისის მერია აცხადებს, რომ რუსული კანონის საწინააღმდეგო აქცია არასანქცირებულია თბილისის მერია აცხადებს, რომ რუსული კანონის საწინააღმდეგო აქცია არასანქცირებულია
-
გადახედვაწიწაკის სპრეის გამოყენების გამო, აქციის მონაწილეების ნაწილი შეუძლოდ გახდა წიწაკის სპრეის გამოყენების გამო, აქციის მონაწილეების ნაწილი შეუძლოდ გახდა
-
გადახედვაშსს კიდევ ერთ განცხადებას ავრცელებს შსს კიდევ ერთ განცხადებას ავრცელებს
-
გადახედვაშსს აქციასთან დაკავშირებით განცხადებას ავრცელებს შსს აქციასთან დაკავშირებით განცხადებას ავრცელებს
-
გადახედვაპარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ პარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ
-
გადახედვარუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ რუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ
-
გადახედვამშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ მშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ
-
გადახედვაარა რუსულ კანონს! — რესპუბლიკის მოედანზე საპროტესტო აქცია მიმდინარეობს არა რუსულ კანონს! — რესპუბლიკის მოედანზე საპროტესტო აქცია მიმდინარეობს
-
გადახედვარესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან რესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან
-
გადახედვაბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია ბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია
-
გადახედვაროგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება როგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
კომენტარები